Իրաքի մօտ Միացեալ Նահանգներու դեսպանութիւնը անվտանգութեան վերաբերեալ նոր զգուշացմամբ հանդէս եկած է, ուղղուած Պասրայի իր հիւպատոսարանի աշխատակիցներուն, ինչպէս նաեւ Իրաք գտնուող ամերիկացիներուն:
«Ալ Ժատիտ» լրատուական կայքին փոխանցմամբ, դեսպանութիւնը իր պաշտօնական կայքէջին հրապարակած յայտարարութեան մէջ զգուշացուցած է Իրաք գտնուող ամերիկացիները Աշուրայի տօնին օրերուն, այսինքն՝ 18-21 սեպտեմբերին հնարաւորինս խուսափիլ քաղաքներու փողոցներուն մէջ տեղաշարժէ, նկատի ունենալով, որ այդ օրերուն փողոցներու մեծ մասը մարդոցմով խճողուելու հետեւանքով կը փակուի:
Դեսպանութիւնը միաժամանակ դիտել տուած է, որ Պասրայի մէջ տեղի ունեցող ցոյցերը պատճառ դարձած են թէ' ցուցարարներու, թէ' անվտանգութեան ուժերու ներկայացուցիչներու մահուան, հետեւաբար կոչ ուղղած է ամերիկացի պաշտօնեաներուն ցոյցերու կազմակերպման վայրերը գտնուելէ: