26.09c
Երեվան
հնգ, ապր 18
Արժանթին Ռուսիոյ իրաւասու մարմիններէն պահանջած է ձերբակալել Իրանի իսլամական յեղափոխութեան ղեկավար Խամինիի խորհրդական Ալի Աքպար Ուիլայաթին, եւ զինք յանձնել Արժանթինի իրաւասու մարմիններուն, այն մեղադրանքով, որ վերջինս ներգրաւուած եղած է 1994 թուականին Պուէնոս Այրէսի մէջ հրէական մշակոյթի կեդրոնի պայթեցման մէջ:
«Russia Today» լրատուական ցանցին համաձայն, Արժանթինի դատարանը Ռուսիա իշխանութիւններուն դիմելով խնդրած է ձերբակալել ու յանձնել Ուիլայաթին, որ յիշեալ դէպքի ժամանակ Իրանի Արտաքին գործոց նախարարի պաշտօնը կը զբաղեզնէր, եւ ըստ Արժանթինի, մէկն էր հրէական մշակոյթի կեդրոնի պայթեցման կազմակերպիչներէն:
Արժանթինի դատարանը Ուիլայաթին մեղադրած է այլատեացութեան հիմքով խմբակային սպանութիւն կազմակերպելու մէջ:
