14.09c
Երեվան
շբթ, ապր 20
Իսրայէլի խորհրդարանը 7 մարտին, վաւերացուցած է օրէնք մը, որ Իսրայէլի ներքին գործոց նախարարին կ՛արտօնէ պաղեստինցիներուն իրենց քաղաքէն՝ Արեւելեան Երուսաղէմէն հեռացնելը, անոնցմէ վերցնելով «մշտական կեցութեան» արտօնագիրները: Այս մասին լուրը կը փոխանցէ «Ալ-Ժատիտ» կայանը նշելով, որ սա ամենանոր օրէնքն է, որ կը սպառնայ գրաւեալ սուրբ քաղաքին մէջ պաղեստինցիներու ներկայութեան:
Քնեսեթի կողմէ ընդունուած օրէնագիծին մէջ նշուած է, որ կեցութեան արտօնագրերը ջնջելու իրաւասութիւն տալը եղած է այն պաղեստինցիներուն համար, որոնք «կը խախտեն վստահութիւնը»՝ Իսրայէլի կամ անոնք, որոնք վտանգ կը սպառնան անվտանգութեան կամ Իսրայէլի կողմէ ահաբեկչական նկատուած կազմակերպութիւններու հետ կապ ունին:
Քնեսեթի մամլոյ ծառայութիւնը յայտնած է, որ խորհրդարանէն ներս օրէնքին կողմ քուէարկած է 48 ձայն, դէմ՝ 18-ը եւ 6՝ ձեռնպահ մնացած է:
Նշենք, որ Թէլ Աւիւը գրաւեալ Երուսաղէմի եւ Կոլանի ժողովուրդին իսրայէլեան քաղաքացիութիւն չի շնորհեր, այլ «մշտական կեցութեան» քարտ կու տայ, համաձայն 1967-ի պատերազէմն ետք ընդունուած կցումի օրէնքին:
