17.09c
Երեվան
հնգ, ապր 25
Աֆրինի մէջ Թուրքիոյ կողմէ իրականացուող «Ձիթենիի Ճիւղ» գործողութիւններու ծիրէն ներս, թրքական ուժերու եւ սուրիական Ազատ բանակի անդամները Քասթալ Ճընտօ գիւղին մէջ 6 մեթր խորութեամբ գետնուղի (Tunnel) յայատնաբերած են: Այս մասին լիբանանեան «Ալ-Տիար»ի համաձայն կը հաղորդէ «Անատոլու» գործակալութիւնը:
Գործակալութեան տուեալներով, գետնուղին փորուած է երկու յարկանի շէնքի տակ` Աֆրինն ու Ազէզը իրար կապող ճանապարհին մօտ: Նոր յայտնաբերուած գետնուղիին երկարութիւնը 50 մեթր է:
«Անատոլու»ին տուած հարցազրոյցի ժամանակ, Սուրիական ազատ բանակի սպան ըսած է, որ իրենք յաջողած են սպաննել գետնուղիի մէջ գտնուող 2 քիւրտ զինեալներ եւ ուրիշ երկուք մըն ալ ձերբակալալ:
Կը նշուի, որ «Ձիթենիի ճիւղ»ի ուժերը, երկու օր առաջ նոյն գիւղին մէջ գետնէն չորս մեթր խորութեամբ գտնուող՝ գետնուղիներու ցանց եւ թաքստոցներ յայտնաբերած են, որոնք կ'օգտագործուէն պաշտպանուելու համար թուրք զինեալներու կողմէ իրականացուող օդային յարձակումներէն:
