Սուրիոյ կառավարական ուժերուն համակիր էջեր յայտարարած են, որ երկու օր առաջ Սէյտնայայի ռազմական բանտի տնօրէն Մահմուտ Ահմատ Մաաթուք անյայտ պայմաններու մէջ կեանքէ հեռացած է:
Ըստ Մաաթուքի ընտանիքին մօտիկ աղբիւրներու, վերջինս զոհուած է Դամասկոսի արեւելեան արուարձաններէն Հարասթայի մէջ ընթացող մարտերու ժամանակ:
Այլ աղբուրներու փոխանցմամբ, Մաաթուքի մահուան պատճառը սրտի կաթուածը եղած է:
Նշենք, որ Մահմուտ Ահմատ Մաաթուք 2013 թուականի կէսերէն ստանձնած էր Սէյտնայայի ռազմական բանտի տնօրէնի պաշտօնը: