13.09c
Երեվան
ուրբ, ապր 19
Սուրիոյ պաշտօնական «Սանա» լրատուական գործակալութիւնը յայտնած է, որ Իտլիպի արուարձանին մէջ Սուրիոյ բանակը Թուրքիոյ կողմէ օժանդակուող «Թիւրքիստանի կուսակցութիւն» ահաբեկչական խմբաւորման յարձակում մը խափանած է:
Աղբիւրին փոխանցմամբ, խմբաւորման զինեալները փորձած են ներթափանցել Իտլիպի արուարձաններուն մէջ Սուրիոյ բանակին ենթակայ շրջաններ, խափանելու համար բանակի յառաջխաղացումը դէպի Ապու Ալ Զուհուր ռազմական օդակայան:
Բանակի հրամանատարութեան փոխանցած տեղեկութիւններուն համաձայն, «Թիւրքիստանի կուսակցութիւն» խմբաւորման զինեալներն իրենց ուժերը հաւաքելով Լաթաքիոյ հիւսիսային արուարձանէն ու Ճսր Ալ Շուղուրէն եկած ու իրենց ռազմական մեքենաներով կեդրոնացած են Իտլիպի արուարձանին մէջ:
