Բրիտանիա մտահոգութիւն յայտնած է, որ ներկայիս Թուրքիա գտնուող «Իսլամական Պետութիւն» ահաբեկչական խմբաւորման բրիտանացի անդամները կրնան երկիր վերադառնալ:
Ըստ բրիտանական «The Times» թերթին, «Տահէշ»ի շարքերուն միացած հարիւրաւոր բրիտանացիներ ներկայիս Թուրքիա կը գտնուին: Թերթին հաղորդած լուրը առաւել մեծ տագնապի մատնած է Եւրոմիութեան անդամ երկիրները, թէ վերջիններս կրնան տուն վերադառնալ ու իրենց ահաբեկչական գործունէութիւնը Եւրոպայի մէջ ծաւալել:
Ըստ պաշտօնական տուեալներու, «Իսլամական Պետութիւն» ահաբեկչական խմբաւորման շրքերուն միացած 850 բրիտանացիներէն 400-ը Բրիտանիա վերադարձած են, 300-ը Իրաքի ու Սուրիոյ ազատագրման մարտերու ժամանակ փախուստի դիմելով Թուրքիա ապաստանած են, մինչդեռ 130-ը սպաննուած է: