Ռուսաստանի պաշտպանութեան նախարարութիւնը Ռաքքայի մէջ ոչնչացուցած է «Տահէշ» ահաբեկչական կազմակերպութեան ղեկավարներու կեդրոնատեղին: Այս մասին «Ալ-Ժատիտի»ի համաձայն, կը հաղորդէ ռուսական «Սփութնիք»ը, նշելով, որ պայթումը իրականացուած է «Х-101» թեւաւոր հրթիռի միջոցաւ:
Ռուսաստանի պաշտպանութեան նախարարութիւնը պայթումի տեսերիզէն հատուած մը հրապարակած է, ուր ցոյց կը տրուի ոչնչացուման վայրկեանը: