18.09c
Երեվան
ուրբ, ապր 19
Այսօր` 28 յունուարին «Բանակի օր»ը նշելու համար Փաշինեան այցելեց Եռաբլուր։
Լրագրողներէն մէկն ըսած է, որ ինքը եղած է հարցը տուողներէն մէկը:
«Որտե՞ղ եմ ես նման բան յայտարարել: Թղթի վրայ դուք անձամբ կը գրէք, կը բերէք մէջբերումը, որ ես դա յայտարարել եմ եւ ուղիղ եթերում ես ձեր հարցին կը պատասխանեմ: Ես հիմա այլ հարցի չեմ պատասխանի, պայման եմ դրել, այդ պայմանը կատարէք եւ ես ուղիղ եթերում ձեր հարցին կը պատասխանեմ»,-ըսած է Փաշինեանը:
Նշենք, որ Բանակի օրուայ՝ ՀՀ զինուած ուժերու կազմաւորման 29-րդ տարեդարձին առթիւ Հայաստանի բարձրաստիճան պաշտօնեաներն այցելած են Եռաբլուր պանթէոն: ՀՀ վարչապետ Նիկոլ Փաշինեանի շարքին այնտեղ են նաեւ ՀՀ ԱԺ նախագահ Արարատ Միրզոյեանը, փոխվարչապետ Տիգրան Աւինեանը, Պաշտպանութեան նախարար Վաղարշակ Յարութիւնեանը, Անվտանգութեան խորհուրդի քարտուղար Արմէն Գրիգորեանը, կառավարութեան այլ անդամներ:
Նշենք, որ 1990թ. սեպտեմբերին Հայաստանի Գերագոյն խորհուրդը ՆԳՆ կառուցուածքին մէջ «Յատուկ գունդ» ստեղծելու որոշում ընդունեց, 1991թ. 4 մայիսին կառավարութեան որոշմամբ ստեղծուեցաւ Պաշտպանութեան կոմիտէն, իսկ 1992 թուականի 28 յունուարին ընդունուեցաւ «Հայաստանի Հանրապետութեան պաշտպանութեան մասին» պատմական որոշումը՝ փաստելով Հայկական ազգային բանակի ստեղծումը: 28 յունուարը տօն եւ ոչ աշխատանքային օր հռչակուած է արդէն 2001-ին:
Հայկական բանակի ձեւաւորման կարեւորագոյն փուլ կը համարուի 1988-1992 թուականները, երբ կ'ընթանար արցախեան պատերազմը, եւ ռազմական գործողութիւններուն հիմնական ներգրաւուած էին կամաւորական ջոկատները:
