image

Ռուբէն Ռուբինեան «Իմ Քայլը» խմբակցութիւնը լքած պատգամաւորներէն բացատրութիւն կը պահանջէ

Ռուբէն Ռուբինեան «Իմ Քայլը» խմբակցութիւնը լքած պատգամաւորներէն բացատրութիւն կը պահանջէ

 

ԱԺ «Իմ Քայլը» խմբակցութեան պատգամաւոր Ռուբէն Ռուբինեանի գրառումը.-
««Իմ Քայլը» խմբակցութիւնը յայտնի իրադարձութիւններից յետոյ լքել են հետեւեալ անձինք.

Վարդան Աթաբէկեան
Գոռ Գէորգեան
Թագուհի Թովմասեան
Աննա Գրիգորեան
Սոֆիա Յովսէփեան

Կարեւորելով պատգամաւորի՝ ընտրողների հանդէպ հաշուետու լինելու անհրաժեշտութիւնը, կարծում եմ՝ տուեալ անձինք, որոնք պատգամաւորական մանտաթ են ստացել «Իմ Քայլը» դաշինքին քուէարկած քաղաքացիների քուէի հիմքով, պիտի առնուազն բացատրեն, թէ ում եւ ինչ մանտաթով են շարունակում լինել պատգամաւոր՝ ոչ թէ փաստաթղթային, այլ քաղաքական համատեքստում։

Ինքս զերծ եմ մնում նշեալ պատգամաւորների քայլերի որակումներից՝ գնահատումը թողնելով «Իմ Քայլը» դաշինքին քուէ տուած քաղաքացիներին։

Յ.Գ. Որպէս գերակշիռ քաղաքական մեծամասնութիւն՝ «Իմ Քայլը» խմբակցութիւնը շարունակելու է իրականացնել իրեն տրուած մէկ միասնական մանտաթը՝ որպէս ժողովրդի իշխանութեան իրացման գործիք եւ պատուէր։ Հայաստանում իշխանութիւնը պատկանում է ժողովրդին, եւ սա անառարկելի ու անշրջելի իրողութիւն է»։