ՀՀ վարչապետ Նիկոլ Փաշինեանը այցելած է Հայաստանի մէջ հիմնուած «Քալաշնիքով» ինքնաձիգի արտադրամաս: «Արմէնբրես»-ի փոխանցմամբ՝ Փաշինեանը ընկերութեան ներկայացուցիչներուն ուղեկցութեամբ շրջած է արտադրամասը, ծանօթացած է հաւաքուող արտադրանքին:
Նիկոլ Փաշինեանը շրջայցի ընթացքին զրուցած է նաեւ արտադրամասի աշխատակիցներուն հետ:
«Քալաշնիքով» ինքնաձիգի արտադրամաս վարչապետին կ'ուղեկցէր ՀՀ Պաշտպանութեան նախարար Դաւիթ Տօնոյեանը։