Հայաստանի Պաշտպանության նախարարի մամուլի խոսնակ Արծրուն Հովհաննիսյանը տեղեկացնում է.
«Հայկ Սիմոնի Զաքարեանի վիրահատությունն ավարտվեց: Նրա վիճակը ծանր է, բայց կայուն: Մեր բժիշկները հրաշագործ են ուղղակի: Եթե վիրավորը հասնում է մինչև օպերացիոն, ապա գրեթե միշտ փրկում են մեր հրաշագործները»:
Ավելի վաղ տեղեկացրել էինք, որ hունվարի 24-ին՝ ժամը 06:55-ի սահմանում, ՊԲ հյուսիային ուղղությամբ տեղակայված զորամասերից մեկում, դեռևս չպարզված հանգամանքներում, հրազենային վիրավորում են ստացել ՊԲ զինծառայողներ, 2001թ. ծնված Հենրի-Հայկ Սիմոնի Զաքարեանը և 2000թ. ծնված Արմեն Ջոնիկի Մեսրոպյանը: Արծրուն Հովհաննիսյանը հավելել է, որ կատարվածը միջադեպ է, որի մասին այլ մանրամասներ չի կարող հայտնել:
«Արեւելքի» տեղեկություններով, Հայկ Սիմոնի Զաքարեանը լիբանանահայ է, որ զինվորական ծառայություն էր անցնում Արցախում: Դեպքի մանրամասները պարզելու համար կատարվում է քննություն: