image

Յունաստանի նախագահը յարգանքի տուրք մատուցեց Ցեղասպանութեան նահատակներու յիշատակին

Յունաստանի նախագահը յարգանքի տուրք մատուցեց Ցեղասպանութեան նահատակներու յիշատակին

Յունաստանի նախագահ Փրոքոփիս Փաւլոփուլոս  5 նոյեմբերին այցելեց Ծիծեռնակաբերդի յուշահամալիր եւ յարգանքի տուրք մատուցեց Հայոց Ցեղասպանութեան զոհերու յիշատակին: Յունաստանի նախագահին կ՛ուղեկցէին Շրջակայ միջավայրի նախարար Էրիկ Գրիգորեան եւ Երեւանի քաղաքապետի տեղակալ Հայկ Սարգսեան:

Հայոց Ցեղասպանութեան թանգարան-հիմնարկի տնօրէն Յարութիւն Մարութեան նախագահ Փաւլոփուլոսին ներկայացուց Հայոց Ցեղասպանութեան զոհերու յիշատակը յաւերժացնող Ծիծեռնակաբերդի յուշահամալիրի ստեղծման պատմութիւնը: Յունաստանի նախագահը նաեւ շրջայց կատարեց թանգարանին մէջ, գրեց թանգարանի յուշամատեանին մէջ:

Այնուհետեւ Փաւլոփուլոս Ծիծեռնակաբերդի ծառուղին մէջ խորհրդանշական եղեւնի տնկեց:

1996-ի Ապրիլ 25-ին Յունաստանի խորհրդարանը ճանչցաւ Հայոց Ցեղասպանութիւնը, իսկ 2014-ի Սեպտեմբեր 9-ին՝ ընդունեց ցեղասպանութեան ժխտումը քրէականացնող օրինագիծը: