Օգոստոսին Հայաստանի Հանրապետությունում Մեծ Բրիտանիայի նոր դեսպան նշանակված հայազգի Ալան Անդրանիկ Գոգբաշյանը չի ստանձնի դեսպանի պարտականությունները: Այդ մասին հաղորդել է Երևանում Միացյալ թագավորության դեսպանատունը: Գոգբաշյանի նշանակումն առաջին դեպքն էր, որ հայ դիվանագետը Հայաստանում դեսպան պիտի լիներ: Սակայն, տարածված հաղորդագրության համաձայն՝ նա անցնելու է դիվանագիտական ծառայության մեկ այլ աշխատանքի։ Գործերի ժամանակավոր հավատարմատար է նշանակվել պրն Դեյվիդ Մորանը՝ դեսպանի աստիճանով, որը կպաշտոնավարի մինչև նոր դեսպանի նշանակումը: