ՀՀ ԱԻՆ Օդերեւութաբանական ծառայութեան օդերեւութաբանութեան կեդրոնի պետ՝ Գագիկ Սուրենեանը յայտնած է, որ յառաջիկայ օրերուն օդի ջերմաստիճանը պիտի նուազի 8-10 աստիճան:
«2-3 Օգոստոսին հիւսիս-արեւելքէն ցուրտ օդային հոսանքներ ներթափանցելով՝ օդի ջերմաստիճանը, Լոռիի, Տաւուշի, Սիւնիքի եւ Արցախի մէջ, ցերեկը պիտի նուազի 8-10 աստիճան, իսկ հանրապետութեան միւս մարզերու պարագային, ներառեալ Երեւան՝ 5-6 աստիճան։
Որոշ շրջաններու մէջ, յատկապէս յետմիջօրէին, կը սպասուի ամպրոպային բնոյթի կարճատեւ անձրեւներ»: