Վարչապետ Փաշինեան, արձակուրդի գացած ըլլալով հանդերձ, ազատ ժամանակը օգտագործելով՝ այցելած է Գեղարքունիք մարզէն երկու համայնքներ՝ Կալաւան եւ Դպրաբակ: Կալաւանը վերջին տարիներու ընթացքին վերածուած է զբօսաշրջային կեդրոնի, ուր կ'ընդունին տարեկան 2 հազար զբօսաշրջիկներ մօտաւորապէս։ 2020-ին կ'ակնկալուի զբօսաշրջիկներու թիւը հասնի 10 հազարի։
Վարչապետը զրուցած է այդ ծրագրի հեղինակ՝ Ռոպերթ Ղուկասեանի հետ, ապա հիւրընկալուած Դպրաբակի բնակիչ՝ Աղաւարտ Վարդանեանի կողմէ:
Փաշինեան իր ֆէյսպուքեան էջի մէջ գրած է թէ Կալաւանի Ռոպէրթ Ղուկասեանի հետ պայմանաւորուած է, որ յառաջիկայ 1-2 ամսուայ ընթացքին աւարտելէ ետք իր գործերը, պիտի նշանակուի ՀՀ վարչապետի խորհրդական՝ տարածելու համար Կալաւանի փորձառութիւնը այլ գիւղերու մէջ եւս։