Սուրիոյ նախագահ Պաշար Ասատ ընդունած է Սուրիոյ մէջ Հայաստանի Հանրապետութեան արտակարգ եւ լիազօր դեսպան Տիգրան Գէորգեանի հաւատարմագրերը: Այս մասին կը յայտնէ «Սանա» գործակալութիւնը:
Կը նշուի, որ Պաշար Ասատ ընդունած է Սուրիոյ մէջ Հայաստանի եւ Վենեզուելայի նորանշանակ դեսպաններու հաւատարմագրերը, զրոյց ունեցած է դեսպաններուն հետ եւ անոնց յաջողութիւն մաղթած է իրենց առաքելութիւնը իրականացնելու գործին մէջ:
Դեսպաններու ընդունելութիւնը կազմակերպուած է ընդունուած արարողակարգերուն համապատասխան: