Հալեպահայ Հակոբ Դարաքջյանը մեկ տարի առաջ է Հայաստան տեղափոխվել: Սկզբից փորձել է աշխատել իբրեւ լեզուների մասնագետ, հինգ լեզվի է տիրապետում: Դիմել է պետական մարմիններին, սակայն մինչեւ հիմա ոչ մի պատասխան չի ստացել: Շառլ Ազնավուրի հրապարակում՝ «Կինո Մոսկվայի» դիմաց մի փոքրիկ կրպակ է բացել եւ տարբեր խմիչքներ, ուտելիքներ է վաճառում: Գոհ է իր աշխատանքից, սակայն զարմանում է, թե ինչու իր մասնագիտությամբ աշխատելու դիմումներին մինչեւ հիմա ոչ մի պատասխան չեն տվել:
Հասցրել է սիրված դառնալ: «Բարի է, ժպտերես, ազնիվ»,- նրա մասին ասում է հարեւանությամբ աշխատող աղջիկը:
Հակոբ Դարաքջյանը ցավով է հիշում Սիրիայի պատերազմը՝ «11 ընկեր եմ կորցրել պատերազմում»,-ասում է նա:
Հալեպահայ երիտասարդի մասին՝ Հանրային հեռուստաընկերության պատրաստած տեսանյութում.