Րոպեներ առաջ Ֆրանսիայի Հանրապետության Սենատը պատմական որոշում է կայացրել՝ ընդունելով «Լեռնային Ղարաբաղի Հանրապետության ճանաչման անհրաժեշտության վերաբերյալ» բանաձևը, որը ներկայացվել էր Սենատի 5 քաղաքական խմբակցությունների կողմից, տեղեկանում ենք Ֆրանսիայում Հայաստանի դեսպանությունից: Այս բանաձևով կառավարությանը կոչ է արվում ճանաչել Լեռնային Ղարաբաղի անկախությունը: Բանաձևի նախագծի քննարկումը սկսել էր այսօր: Այն ընդունվեց 305 կողմ և 1 դեմ քվեարկությամբ: