Ռուսաստանի կոչը. Հակամարտութեան գօտիէն դուրս բերել ահաբեկիչներն ու վարձակնները... ՊԲ-ն կը շարունակէ բոլոր ուղղութիւններով ձախողցնել թշնամիին գրոհները. Արցախի նախագահ (Տեսանիւթ)... Մաքրոնը կը մեղադրէ Էրտողանը. «Ան ամբողջ տարածաշրջանը պատերազմի կը տանի»... Ոհմակներուն ցնորամիտ...Գրեց ՝Հրանդ Մարգարեան...
«Այն զգացումը ունիմ, որ Հալէպի մէջ կարծես բոլորս ալ պիտի վարակուինք եւ յաղթահարենք այս վարակը». Հալէպահայ բժիշկ
«Այն զգացումը ունիմ, որ Հալէպի մէջ կարծես բոլորս ալ պիտի վարակուինք եւ յաղթահարենք այս վարակը». Հալէպահայ բժիշկ
19 Օգոստոս 2020 , 14:58

«Արեւելք»ի հարցերուն կը պատասխանէ հալէպահայ (ատամնաբոյժ-վիրաբոյժ)  բժիշկ Ռաֆֆի Զէյթճեան:


-Ինչպիսի՞ն է իրավիճակը ներկայիս Հալէպի գաղութէն ներս՝ կապուած «Քորոնա» վարակի տարածման հետ:

Հալէպի մէջ «Քորոնա» ժահրի տարածումը վերջին երկու երեք շաբաթներուն շատ սուր իրավիճակ ստացած է եւ մեզի համար զարմանալի էր այսպէս մէկ անգամէն մեծ թիւով վարակակիրներու ի յայտ գալը: Իրավիճակը ծանր է, ամէն օր կը լսենք մահացողներու եւ վարակուողներու մասին: Ես կը կարծեմ, որ վիճակը ժողովուրդին կողմէն այս հարցին՝ «Քորոնա»ին հարեւանցի վերաբերելու պատճառով ստեղծուեցաւ, մինչեւ այսօր ալ մարդիկ կան որ դեռ անտարբերութեամբ կը վերաբերին այս վարակին, անշուշտ ասի տարածման պատճառներէն մէկն է: Մեր հայաշատ շրջաններուն մէջ ալ կան բաւականին վարակուողներ եւ մահացողներ, դժբախտաբար:

 

-Ի՞նչ տուեալներ ունիք, ինչքա՞ն է Հալէպի մէջ վարակուածներու ընդհանուր թիւը եւ ինչքա՞ն է կորուստներուն թիւը:

Վարակուողներու թիւի պարագային, ինչքան կը լսենք, թիւերը շատ են, պաշտօնական ստոյգ թիւեր չկան: Անշուշտ մեր հայերուն մէջ ալ վարակակիրներու մեծ թիւ կայ, մահացողներ ալ կան, ասկէ 3-4 օր առաջ թիւը ստոյգ մօտ 10-12 հոգի էր, հիմա կը կարծեմ, որ այս 4 օրուան մէջ ալ 5-6 հոգի եղաւ, ընդհանուր թիւը այս է, եւ կան անշուշտ հիւանդներ, որ հիւանդանոցային խնամքի տակ են, Աստուած օգնական ըլլայ բոլորին:

 

-Վերջին օրերուն նաեւ իմացանք, որ մեծ է թիւը այն վարակակիրներուն, որոնք առողջապահական համակարգին մէջ կը գործեն՝ ըլլան բժիշկներ, թէ հիւանդապահներ, ի՞նչ է պատճառը, ինչի՞ն կը վերագրէք այս մէկը:

Բժիշկներու եւ հիւանդապահներու վարակման վերաբերեալ, ճիշդն ըսած, ես ալ կը դժուարանամ ըսելու ինչ է պատճառը, որ այսքան մեծ թիւով վարակուածներ կան, բայց, ինչ որ գիտեմ, հականեխման դեղերը այստեղ շատ սուղ են, հաւանաբար անոնք իրենց  բժշկական կեդրոններուն մէջ չեն կրնար հականեխումը ամբողջական ձեւով կատարել եւ կը վարակուին:

 

-Գիտենք որ Սուրիան 9 տարուան պատերազմէն ետք յայտնուած է բաւական բարդ դրութեան մը առջեւ, արդեօք ի՞նչ են պէտքերը Սուրիոյ առողջապահական համակարգին, ի՞նչ կարեւոր դեղորայք, սարքեր կը պակսին, ի՞նչ է ամենակարեւոր կարիքը այսօր՝ Սուրիոյ, եւ յատկապէս Հալէպի մէջ:

Դեղորայքի պակաս շատ կայ, իսկ եղած դեղերուն գիներն ալ, եթէ նոյնիսկ գտնուին, շատ սուղ են, տնտեսական ծանր վիճակի մէջ եղող մարդիկ չեն կրնար գնել, բացի այդ, հիւանդանոցներուն մէջ արհեստական շնչառութեան սարքերու պակաս կայ։ Պատկերացուցէք, որ շատ մը հիւանդներ ծանր վիճակի մէջ կ'երթան հիւանդանոց եւ հոն չեն կրնար ընդունիլ իրենց, ազատ տեղեր չըլլալու պատճառով: Մարդիկ խուճապի մէջ են, որովհետեւ դեղի շատ մեծ պակաս կայ, «Քորոնա»ի վերաբերեալ դեղերը չեն գտնուիր:

Անշուշտ դեղերու այս պակասն ալ, Սուրիոյ վրայ եղած շրջափակման պատճառով է, մինչեւ այսօր տակաւին նոյնիսկ այդ դեղերու հումքը երկիր մտցնելու արգելքը կայ, այդ է պատճառը, որ շատ նեղ դրութեան մէջ յայտնուած է ժողովուրդը:

 

-Համայնքը ի՞նչ միջոցներով որոշած է պայքարիլ այս վարակին դէմ, արդեօ՞ք յատուկ մարմին մը ստեղծուեցաւ: Գիտենք որ պատերազմի թէժ օրերուն ստեղծուած էր Հալէպի վերականգնումի շտապ մարմինը, ներկայիս կայ նման մարմին մը:

Այս հարցի՝ «Քորոնա» ժահրի յաղթահարման կամ անոր դէմ պայքարի մասնաւոր մարմին մը չէ ստեղծուած, բայց համայնքի ղեկավար մարմիններ անշուշտ միշտ կը զգուշացնեն, օրինակ եկեղեցիները, դպրոցները, ուր որ հաւաքոյթներ կ'ըլլայ լրիւ արգիլուած են, Առաջնորդարանն ալ զգուշացուցած է որեւէ մէկ հաւաք չկազմակերպել, միշտ կ'ըսուի, որ մարդիկ զգուշ ըլլան, իրար չվարակեն եւայլն:

Իսկ ձեր նշած «Շտապ մարմին»ը դեռ կայ, տնտեսական եւ նիւթական օժանդակութիւններ կը տրամադրէ կարիքաւորներուն, բայց այս հարցի շուրջ յատուկ օգնութիւն մը չեմ լսած որ կ'ընեն:

 

-Իբրեւ բժիշկ ի՞նչ նախադրեալներ ունիք «Քորոնա» վարակի վերաբերեալ, այսինքն յատկապէս Հալէպի մէջ ե՞րբ կրնայ այս վարակը նահանջ ապրիլ:

Ես կը կարծեմ, որ այս «Քորոնա» ժահրը այսպէս քիչ մը երկար պիտի շարունակուի, եւ կը կարծեմ, որ մենք բոլորս ալ պիտի վարակուինք, որովհետեւ ամէն վայրկեան ենթակայ ենք վարակուելու, եւ մարդկանց դիմադրողականութիւնն է, որ պիտի յաղթահարէ ժահրը. դեղերը, այո՛, կ'օգնեն  ինչ որ չափով, բայց կը մնայ որ  անհատի   դիմադրողականութիւնը լաւ ըլլայ: Այս հիւանդութեան պարագային, ինչպէս կը տեսնենք, ընդհանրապէս առողջական այլ հարցեր ունեցող մարդիկ են, որ շատ աւելի ծանր կը տանին եւ մահացու դէպքեր կ'ըլլան:

Հիմա կը լսենք արդէն նոր պատուաստ մը յայտնուած ըլլալու մասին, Աստուած տայ, որ այդ պատուաստը  պէտք եղած արդիւնքը տայ եւ այս հարցին վերջնական լուծում տրուի, որովհետեւ մինչեւ այդ պիտանի  պատուաստին չյայտնուիլը մարդիկ հոգեպէս ալ պիտի չհանգստանան։

 

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture