image

Լիբանանցիներուն համար Տուպայ ճամբորդելու դէմ ՝արգելք

Լիբանանցիներուն  համար  Տուպայ ճամբորդելու դէմ ՝արգելք

Յառաջիկայ    շրջանին լիբանանցիներ   լուրջ դժուարութիւն    պիտի ունենան   Տուպայ եւ ԱՄԷ   մուտք  գործելու  վիզա  ստանալու  վերաբերեալ։

 Այս  մասին լուրը կը հաղորդէ    լիբանանեան    VDL կայանը,  որ   տեղեկութիւնը ճշդուած է     ԱՄԷ-ի  մօտ Լիբանանի դեսպանէն։

 

 Աղբիւրը   նաեւ կը հաղորդէ, որ  սոյն կարգադրութիւնը կապ չունի Լիբանանի եւ Արաբական Ծոցի երկիրներու միջեւ        յարաբերութիւններու ոչ բարենպաստ   դրութեան   հետ, այլ  այն    առնչուած է  «Քորոնա»  համավարակին    դէմ ԱՄԷ-ի  առած    խիստ   քայլերուն  հետ։

 

 

Յիշեցնենք, որ    յուլիս ամսուան սկիզբէն ի վեր  Լիբանան  վերաբացաւ  իր օդային ճանապարհները,  որուն հետեւանքով  ալ «Քորոնա»ով վարակուածներու  թիւերը   արագօրէն  աճեցան։

 

 Կարգ մը  վերլուծաբաններ  նկատել  տուած են, որ Լիբանանի մէջ  վերջին օրերուն գրանցուած    վարակակիրներու թիւին աճը կապ ունի արտերկիր գտնուող  եւ Լիբանան վերադարձող  քաղաքացիներու  անպատասխանատու քայլերուն հետ։

 

 Վերջին   ժամերուն ընթացքին Լիբանանի մէջ գրանցուած էր  «Քորոնա»ով վարակուած   173  նոր պարագայ։