Ս.թ. հուլիսի 5-ին Լիբանանի Բաալբեկ քաղաքի հռոմեական պատմամշակութային համալիրում տեղի ունեցավ Լիբանանի սիմֆոնիկ նվագախմբի համերգը հայազգի դիրիժոր Հարութ Ֆազլյանի գլխավորությամբ: Նվագախմբում ընդգրկված էին երկու տասնյակ երաժիշտներ Հայաստանի Հանրապետությունից:
Համերգը, որը հեռարձակվել է ուղիղ եթերով, նվիրված էր Սևրի դաշնագրով ամրագրված Մեծն Լիբանանի հռչակման 100-ամյակին և անցկացվել է Լիբանանի նախագահ Միշել Աունի բարձր հովանուներքո:
Հիշեցնենք, որ 2019 թ., Մեծն Լիբանանի հռչակման 100-ամյակին ընդառաջ, Լիբանանի նախագահ Միշել Աունն իր հայտարարոթյան մեջ նշել էր, որ Օսմանյան տիրապետության տարիներին 100 հազարավոր լիբանանցիներ զոհ են դարձել թուրքական իշխանությունների կողմից միտումնավոր իրականացրած բռնաճնշումների և հալածանքների: