Կարէն Վերանեան. Ալիեւ լայնածաւալ ռազմական գործողութիւններու ճանապարհով պիտի չերթայ... Վարչապետ Փաշինեան հանդիպած է Զինուած Ուժերու ղեկավար կազմին հետ... Մայր մը իր զաւակներով հրկիզուած...սուրիացիք ցնցուած են... Հայոց Լեզուի Ուսուցիչներս (1)...
«Արդարութիւն՝ Գուրգէն Մարգարեանի դատին». The Guardian -ի լայն անդրադարձը
«Արդարութիւն՝ Գուրգէն Մարգարեանի դատին». The Guardian -ի լայն անդրադարձը
26 Մայիս 2020 , 11:53

Ատրպէյճանցի սպայ Ռամիլ Սաֆարովի կողմէ սպանուած հայ սպայ Գուրգէն Մարգարեանի հարազատները յոյսով են, որ Եւրոպական դատարանը 26 մայիսին վճիռ կը կայացնէ Հունգարիոյ եւ Ատրպէյճանի դէմ, կը յայտնէ The Guardian-ը։

Գուրգէն Մարգարեանը սպանուած է փետրուար 2004-ն՝ Պուտափեշթի մէջ անգլերէնի ուսուցման ՆԱԹՕ-ի ծրագրին մասնակցելու ժամանակ։

Յետագայ դատական լսումներու ընթացքին ատրպէյճանցի սպայ-մարդասպանը հաստատած է, որ իր գործողութիւններու դրդապատճառը եղած է ատելութիւնը Հայաստանի եւ հայերու հանդէպ՝ երկու երկիրներու միջեւ պատերազմի պատճառով, նշած է թերթը։

«Թէեւ այդ նողկալի միջադէպը տեղի ունեցած է 16 տարի առաջ, այն մինչ այժմ կը մնայ իմ յիշողութեան մէջ»,- նշած է սպայ Հայկ Մակուչեանը, որուն վրայ նոյնպէս յարձակած է Սաֆարովը Պուտափեշթի մէջ։ Ան եւ Մարգարեանի հարազատները գործով հայցուոր կը հանդիսանան ՄԻԵԴ-ի մօտ։

Ինչպէս նշած է The Guardian-ը, անոնք չեն սպասեր նիւթական փոխհատուցում ոչ մէկ կառավարութենէ։ «Մենք կը ձգտինք արդարութեան, այլ ոչ թէ փոխհատուցման։ Մեզի համար կարեւոր է, որ ճանչցուին կոպիտ խախտումները, վերջ դրուի անօրինականութեանն ու կանխուի հայերու հանդէպ ատելութիւնը»,- նշած է Մակուչեանը ելեկտրոնային փոստով գրած իր նամակին մէջ:

Նազելի Վարդանեանը՝ հայցուորներու փաստաբանը, նոյնպէս նշած է, որ Մարգարեանի ընտանիքը չուզեր նիւթական փոխհատուցում։ «Անոնք արդարութիւն կ'ուզեն»,- ըսած է ան։

Ինչպէս նշած է թերթը, «տասնեակ հազարաւոր մարդիկ սպանուած են 1990-ականներու սկիզբը Լեռնային Ղարաբաղի վիճելի տարածքին համար Հայաստանի եւ Ատրպէյճանի միջեւ պատերազմին։ Կրակի դադարեցման որոշումը համաձայնեցուած էր, սակայն այս շրջանին դեռ պարբերաբար տեղի կ'ունենան ռազմական գործողութիւններ։ Այն ժամանակներէն երկու երկիրներու միջեւ չկան դիւանագիտական յարաբերութիւններ եւ որեւէ զբօսաշրջային կապեր»։

Ըստ թերթի՝ «2004 թուականի սպանութիւնը աւելի սրած է լարուածութիւնը»։

31 Օգոստոս 2012-ին Սաֆարովը արտայանձնած են Ատրպէյճանին, ուր անոր անյապաղ ներում շնորհուած է, բարձրացուցած են անոր կոչումը եւ նուէրներ տուած են՝ տուն եւ 8 տարուան փոխհատուցում։

«Ատրպէյճանի ամօթալի արարքը սպառնալիքի տակ կը դնէ ողջ Հարաւային Կովկասի անվտանգութիւնը»,- Սաֆարովի ազատ արձակուելէն ետք նշած է այն ժամանակուայ նախագահ Սերժ Սարգսեանը։

«Յանցագործէն հերոս «սարքելը» անթոյլատրելի է»,- աւելցուցած է ան։

Վարդանեանի խօսքերով՝ «մենք կ'ուզէինք, որ դատարանը վճռեր, որ անոր ետ վերադարձնէին Հունգարիա կամ երրորդ երկիր, որպէսզի պատիժի կրումը աւարտէր, քանի որ Ատրպէյճանի մէջ անոր հերոս կը համարեն»։

Մարդու իրաւունքներու պաշտպանութեան եւրոպական կեդրոնի տնօրէն Ֆիլիփ Լիչը , որ նոյնպէս կը ներկայացնէ հայցուորները, նշած է, որ գործը կ'ընդգրկէ նոր իրաւական տարածք, եւ դատարանի որոշումը կրնայ լուրջ հետեւանքներ ունենալ կալանաւորներու յետագայ փոխանցման համար։

«Ամբողջ աշխարհի մէջ բաւական յաճախ մարդիկ ներման կամ համաներման ենթարկուած են քաղաքական պատճառներով, սակայն երբ պետութիւնը համաներում կամ ներում կը շնորհէ, այդ յաճախ կը խախտէ մարդու իրաւունքներու ոլորտին մէջ անոնց պարտաւորութիւնները»,- նշած է ան։

Հունգարիոյ օմպուտսմենի 2012-ի զեկոյցին մէջ նշուած է, որ Հունգարիան չէ խախտած որեւէ միջազգային օրէնք, սակայն, այնուամենայնիւ հետեւութիւն կ'ըլլայ, որ հունգարական կառավարութիւնը «բաւարար զգոյշ չէ եղած, երբ որեւէ երաշխիք չէ պահանջած  Ատրպէյճանէն»։

Որոշումը ընդունուած է, երբ Հունգարիոյ վարչապետ Վիքթոր Օրպանը այցելած է Պաքու։

«Ինչ կը վերաբերի Հունգարիային, ապա ես հակասական զգացումներ ունիմ՝ երախտագիտութիւն Հունգարիոյ դատական իշխանութեան հանդէպ, որ բաւական զօրաւոր էր արդարադատութեան իրականացման մէջ․․․ եւ հիասթափութիւն՝ կապուած մարդասպանի արտայանձնման հետ՝  ի հեճուկս դատական որոշումներու եւ անպատժելիութեան մշտական վտանգի»,- նշած է Մակուչեանը։

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture