News.am Կը հաղորդէ, որ Թուրքիոյ Պոլիս քաղաքը գտնուող Սուրբ փրկիչ հայկական հիւանդանոցը վերածուած է «Քորոնա» ժահրով վարակուածներուն սպասարկող հիւանդանոցի: Այս մասին NEWS.am-ի հետ զրոյցի ժամանակ ըսած է Պոլսոյ մէջ լոյս տեսնող «Ժամանակ» թերթի խմբագիր Արա Գոչունեանը:
«Սուրբ փրկիչ հիւանդանոցը արդէն հռչակուած է համաճարակի հիւանդանոց, այն կը սպասարկէ «Քորոնա» ժահրով վարակուածներուն: Շատ մեծ ծառայութիւն կը մատուցէ հիւանդանոցը եւ միակն է Թուրքիոյ ազգային փոքրամասնութիւններու հիւանդանոցներէն, որ դարձած է համաճարակի հիւանդանոց եւ վարակակիրներ կ'ընդունի, շատ թափով աշխատանք կ'ընթանայ այնտեղ: Համայնքին մէջ յայտնի են մօտ երկու տասնեակ վարակուածներ, որոնք կը գտնուին ինչպէս հայկական հիւանդանոցին, այնպէս ալ քաղաքի այլ հիւանդանոցներուն մէջ: Համայնքին մէջ խուճապային տրամադրութիւններ չկան, կայ զգուշաւորութիւն»,-ըսած է ան:
Գոչունեանի խօսքով` Հայաստանի քաղաքացիներու շրջանին իրենց տեղեկութիւններով չկան դէպքեր, որոնք ուզած են վերադառնալ հայրենիք եւ չեն կրցած, հակառակ որ ցանկութեան պարագային ալ չեն կրնար վերադառնալ, քանի որ թռիչքներ այս պահուն չկան:
Ան նշած է, որ համայնքին մէջ ապրող տարեցներու, կարիքաւորներու համար ընկերային օգնութեան ծրագիր կ'իրականացուի:
Յիշեցնենք, որ Պոլսոյ մէջ «Քորոնա» ժահրային հիւանդութեամբ ազգութեամբ հայ տարեց տղամարդ մը մահացած է: