Պոլսոյ մէջ. Սուրբ Փրկիչ Ազգային հիւանդանոցը կը գործէ միայն «Քորոնա»ի պարագաներուն համար... Ազգային հերոս Էտուարտօ Էռնէկեան 250.000 տոլարի օգնութիւն պիտի տրամադրէ Հայաստանի կառավարութեան... Բրիտանիոյ վարչապետին վիճակը վատթարացած. Պոնսըն փոխադրուած է վերակենդանցման բաժին BBC... Խրիմեան Հայրիկ- 200...
«Այո՛, «Քորոնա»ն ժխտական ազդեցութիւն ունեցաւ մեր հաւաքական կեանքին վրայ»Լիբանանահայ ՝ Ռիթա Պոյաճեան
«Այո՛,  «Քորոնա»ն    ժխտական ազդեցութիւն  ունեցաւ մեր  հաւաքական  կեանքին վրայ»Լիբանանահայ  ՝ Ռիթա  Պոյաճեան
18 Մարտ 2020 , 19:55

«Արեւելք»ի հարցերուն կը պատասխանէ լիբանանահայ  կրթական մշակ ՝ Ռիթա Պոյաճեանը.

 

-Ինչպիսի՞ն է իրավիճակը Լիբանանի մէջ «Քորոնա»ի տարածումէն ասդին:


«Քորոնա» վարակի  առաջին պարագան Լիբանան  մուտք գործեց 21 փետրուարին,  եւ   ըստ նախնական  տուեալներու  այդ  պարագան  Իրանէն էր։ Այդ օրէն անցած է երեք շաբաթ, եւ այսօր արդէն առողջապահութեան նախարարութեան պաշտօնական յայտարարութեան համաձայն, երկրին մէջ վարկուածներու թիւը հասած է  130- ի, որոնցմէ 4-ը արդէն մահացան:

Մարդիկ այսօր իսկապէս շատ մտահոգ են, սկսած են վախնալ իրարմէ,  եւ այդ վախը   ձեւով մը փողոցներուն մէջ կ՚երեւի.  շատերը ծածկած են իրենց բերանները, ձեռնոցներ կը կրեն, խանութներուն, ինքնաշարժներուն կամ իրենց պայուսակներուն մէջ   կ՚ունենան ալքոլի  կամ   հականեխող ժելի սրուակներ, որպէսզի այլ մարդոց հետ շփում ունենալէ ետք անմիջապէս ձեռքերնին հականեխեն, եւ այս մթնոլորտը ամբողջ երկրին մէջ կը տիրէ:

Բաց  աստի , մարդոց տնտեսական իրավիճակը եւս շատ վատ է: Մենք շատ լաւ գիտենք, որ Հոկտեմբեր 2019-ին ընթացք առած  յեղափոխութենէն  ի վեր  եւ Լիբանանի մէջ տեղի ունեցած ցոյցերէն ետք շատ մեծ անկում կրած է երկրի տնտեսական վիճակը, ամէնուր անգործութիւն կը տիրէ, նիւթական անբաւարարութիւն, դրամատուներու հետ դժուարութիւններ, եւ մարդիկ դեռ չէին կրցած մարսել այս բոլորը, երբ վրայ հասաւ «Քորոնա»ի այս հարցը, եւ տագնապը հասցուց իր գագաթնակէտին: Այսօր լիբանանցիները շատ վատ հոգեվիճակի մէջ կը գտնուին, դժբախտաբար։

 

-«Քորոնա»ն որպէս համաճարակ ընկերային տարբեր պայմաններու ստեղծման պատճառ կը հանդիսանայ: Ի՞նչ փոխուեցաւ ձեր կեանքին մէջ «Քորոնա»ի ի յայտ գալէն ի վեր:


«Քորոնա»ի այս հարցէն ետք շատ բան փոխուեցաւ մեր կեանքէն ներս կամ ընդհանրապէս գաղութի կեանքէն ներս. ընկերային եւ մշակութային կեանքը, որ արդէն բաւական թոյլ էր վերջին շրջանին, տկարացաւ, չըսելու համար, որ այս շաբաթ արդէն դադրած է. այսուհետեւ ոչ մէկ միութիւն կամ կազմակերպութիւն պիտի համարձակի ձեռնարկ կամ ընկերային հաւաք կազմակերպել, յատկապէս, որ բոլոր հանրային վայրերը՝ ճաշարաններ, զբօսաշրջիկութեան, մարզանքի եւ այլ վայրեր բոլորն արդէն փակուեցան: Հետեւաբար, մարդիկ տուներէն դուրս կու գան միայն երբ ստիպուած կ'ըլլան գործի երթալ, եւ այս առումով Լիբանանեան կառավարութեան կողմէ արտակարգ դրութիւն յայտարարելը շատ կարեւոր էր, որովհետեւ եթէ այդ մէկը չըլլայ, վիճակը օրէ օր շատ աւելի պիտի բարդանայ եւ շատ արագ ձեւով վարակուողներու թիւը պիտի կրկնապատկուի:

Արտակարգ վիճակի հաստատումով երկրի բոլոր սահմանները պէտք է փակուին եւ առաւելագոյն 2-3 օր տրուի այն լիբանանցիներուն, որոնք երկրէն դուրս կը գտնուին, որպէսզի վերադառնան, նախքան օդակայանի վերջնական փակումը: Պէտք է փակուին նաեւ բոլոր հաստատութիւնները առանց բացառութեան եւ մարդիկ միայն իրենց անմիջական պէտքերը հոգալու, շուկայ երթալու համար դուրս գան, այս պարագային կը շարունակեն գործել միայն դեղարանները, հիւանդանոցները եւ ուտեստեղէն ծախող խանութները կամ  կեդրոնները:

 

 

-Հայկական շրջանակներուն մէջ ինչպէ՞ս է արձագանգը: Հայկական միութիւնները, կազմակերպութիւնները որեւէ ձեւով կը մասնակցի՞ն «Քորոնա»ի դէմ սկիզբ առած պայքարին:


Այսօր  պատկերաւոր ասած  այս  աղէտը բոլորիս համար է. «Քորոնա»  կոչուած  վարակը  հայ, արաբ, իսլամ, քրիստոնեայ, այլազգը չի ճանչնար, բոլորս նոյն «աղէտ»ին մէջ ենք, որը պէտք է դիմագրաւենք, հետեւաբար, հայկական շրջանակներն ալ, նման միւս շրջանակներուն, առաջին հերթին վարակէն զգուշունալու բոլոր անհրաժեշտ միջոցները գործի կը դրին, բոլոր միութիւնները իրենց ձեռնարկները դադրեցուցին, երգի,  երգի խումբերու փորձերը  դադրած են,  հայահոծ Պուրճ Համուտի քաղաքապետարանը կարեւոր հաստատութիւնները՝ ծերանոցը, եկեղեցիները հականեխելու արշաւ սկսաւ, հայկական վարժարանները իրենց հերթին, իրենց դպրոցները հականեխեցին, այսինքն կանխազգուշութեան բոլոր աշխատանքները կը տարուին, ինչպէս կ'ընեն երկրի բոլոր  լիբանացիները։ Օրինակ կարգ մը արաբական եկեղեցիներ կան, որ արդէն փակուած են եւ պատարագ չեն  մատուցեր , մզկիթներու պարագային եւս  իսլամական  համայնքի  ներկայացուցիչներ, յայտարարեցին, որ այլեւս աղօթք տեղի պիտի չունենայ  ցնոր  տնօրինութիւն։

 

-Ի վերջոյ, ի՞նչ կը կարծէք, ի՞նչ պիտի ըլլայ Լիբանանի կրթական տարեշրջանի ճակատագիրը:


Իրականութիւնը, լիբանանցիք, գիտէք, ամէն դժուարութեան դէմ կը փորձեն լուծում մը գտնել: Կրթական հաստատութիւնները, իրենց կարողութեան համաձայն, սկսած են դասընթացքները առցանց  տալ  եւ որոշ չափով այդ դասընթացքները տեղի կ'ունենան, բայց եւ այնպէս, մենք լաւ գիտենք, որ առցանցը պիտի չկարենայ փոխարինել իսկական դասընթացքները, որ տեղի կ'ունենային դպրոցներուն մէջ: Հետեւաբար, նկատի ունենալով, որ այս վիճակը կրնայ նուազագոյնը մէկ կամ երկու ամիս տեւել, ապա կրթական տարեշրջանը, այո, որոշ չափով վտանգուած է: Բայց կը կարծեմ, որ կրթութեան նախարարութիւնը արտակարգ որոշումներ պիտի առնէ հաւանաբար այս վիճակին համար, կամ ծրագիրները սահմանափակելով այս տարուան համար, եւ կամ տարեշրջանը երկարաձգելով  մինչեւ ամառնային շրջան, կամ որոշ դիւրութիւններ տալով, մանաւանդ պետական քննութիւններու պարագային եւայլն, որովհետեւ շատ յստակ է, որ մենք բնական պայմաններու մէջ չէ, որ պիտի լրացնենք այս տարուան կրթական տարեշրջանը:

 

 

 

 

 

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture