14.09c
Երեվան
ուրբ, ապր 19
Հալէպ քաղաքի շուրջ ընթացող զարգացումները լուսաբանելու նպատակով «Ալ Քարասի» շրջանէն անցնող սուրիացի լրագրողներու շարասիւնը երէկ թիրախ դարձած է ահաբեկիչներու գրոհին։
Այս մասին տեղեկութիւնը կը հաղորդէ «Սանա» գործակալութիւնը։
Աղբիւրը նաեւ կը նշէ, որ թիրախ դարձած շարասիւնին մէջ գտնուած է հալէպցի հանրածանօթ լրագրող Քինանա Ալլուշ, որ իր գործընկերներուն հետ փոխադրուած է հիւանդանոց՝ համապատասխան բուժումներ ստանալու համար։
Նշենք, որ Հալէպի շրջանակներուն համար իր քաջարի կեցուածքներով եւ արհեստավարժ գործունէութեամբ յայտնի Քինանա Ալլուշը վերջին շրջանին կը թղթակցի «Սամա» կայանին։
