image

Անորոշութեան մեծ մթնոլորտի մը մէջ. Լիբանանի Խորհրդարանին մէջ քննարկում

Անորոշութեան  մեծ   մթնոլորտի մը մէջ. Լիբանանի  Խորհրդարանին մէջ քննարկում

Երկրին  մէջ  տիրող     անորոշութեան  մթնոլորտին մէջ   խորհրդարանը  այսօր պիտի  փորձէ  քննարկել    երկրի   տարեկան  պիւտճէն։

Մինչ  քիչ  թիւով  խորհրդականներ կը խօսին   նիստի   անօրինականութեան    մասին, մանաւանդ, որ նոր    կազմուած  կառավարութիւնը տակաւին  չէ ստացած  վստահութեան   քուէն,  անդին  խորհրդարանի  մաս  կազմող մեծ   խմբաւորումները  պիտի մասնակցին  եւ քննարկեն    պիւտճէի նախագիծը։

Կան տեղեկութիւններ, որոնց  համաձայն,  եթէ      խորհրդարանը   մինչեւ այս  ամսուան   աւարտը  չկարողանայ  քննարկել ու նաեւ վաւերացնել     տարեկան  պիւտճէն, ապա   այն  պիտի համարուի      անօրինական  ու երկիրը  տանի դէպի  պարապութիւն։

Միւս կողմէ մեծ  թիւով  ցուցարարներ   որոշած են ամէն գնով     մասնակցիլ այսօրուան   ցոյցերուն՝   փորձելով խանգարել  նիստի   կայացումը։

Ի դէպ, խորհրդարանի  նախագահ  Նէպիհ Պըրրի երէկ  յորդորած է    անվտանգութեան  մարմիններուն ու յատկապէս երկրի բանակին՝   ապահովել    դէպի  խորհրդարան տանող բոլոր  ճանապարհներուն անվտանգութիւնը։