«Լիբանանը չփլուզուելու համար այսօր պէտք ունինք հրաշքի». Տօքթ. Ռաֆֆի Փօլատեան... Արցախի ընտրութիւնները յառաջիկայ 31 մարտին... Լիբանանի կառավարութիւնը այսօ՞ր... Լեզուական ծուղակներ. Արմենակ Եղիայեան...
«Ինչ ալ պատահի Լիբանանի մէջ քաղաքացիական պատերազմ պիտի չըլլայ» Լիբանանահայ երիտասարդ
«Ինչ ալ պատահի Լիբանանի մէջ քաղաքացիական  պատերազմ  պիտի չըլլայ» Լիբանանահայ  երիտասարդ
15 Յունուար 2020 , 21:08

«Արեւելք»ի հարցերուն կը պատասխանէ լիբանանահայ երիտասարդ Յակոբ Մելքոնեանը.

 

-Շուտով կը լրանայ Լիբանանի բողոքի ցոյցերու երրորդ ամիսը: Ինչպիսի՞ն էր վիճակը ցոյցերէն առաջ, եւ՝ ինչպիսի՞ն է այսօր:


Ինչպէս գիտէք, 90 օրէ ի վեր Լիբանանի տարբեր շրջաններու մէջ բողոքի ցոյցեր տեղի կ'ունենան, բողոքները սկիզբ  առին  Լիբանանի տնտեսական ծանր իրավիճակի, լիբանանեան դրամի արժէքի անկումին, ապրուստի սղութեան եւ կազի ու պենզինի տագնապի հետեւանքով: Այսօր արդէն Լիբանանի մէջ վախ կայ, որ վիճակը աւելի բարդանայ եւ հասնինք անօթութեան:

Ցոյցերու սկզբնական շրջանին, մարդոց մօտ վախ մը կար, որ կրնայ ըլլալ այս շարժումը Լիբանանը տանի քաղաքացիական պատերազմի,  եւ  այսօր լիբանանցիները  իրենց  կրօնական-համայնքային  գաղափարները մէկ կողմ դրած, առաջին անգամ ըլլալով  միասնաբար հաւաքուած են, որպէսզի պաշտպանեն իրենց երկիրը եւ իրենց տարրական իրաւունքները:

Շարժումը սկիզբ առաւ Լիբանանի նոր սերունդին՝  երիտասարդութեան կողմէ, իսկ այսօր, նոյնիսկ տարեց անձեր միացած են անոնց, որոնք մէկ կողմ դրած իրենց կուսակցական պատկանելիութիւնը, սկսած են մտածել Լիբանանի եւ իրենց երեխաներու ապագային մասին, որ մինչ այս իրենք չէին կրցած ապահովել:

Ամենազգալի բանը այն է, որ լիբանանցիներուն մէջ կտրուեցաւ իրենց քաղաքական առաջնորդներու հանդէպ վախը: Հիմա նոր մթնոլորտ մը կայ, Լիբանանի մէջ հազիւ քաղաքական գործիչ մը ճաշարան կամ որեւէ հանրային տարածք յայտնուի, ցուցարարները անոնր դէմ կ'ելլեն եւ  զինք կը վտարեն  այդտեղէն։

 

-Այսօր ի՞նչ են երկրին մէջ տիրող ընդհանուր մտահոգութիւնները։

 

Հիմա լիբանանցիներուն  գլխաւոր  մտահոգութիւնը այն է, որ որոշ կուսակցութիւններ կը փոձեն    յեղափոխութիւնը իւրացնել, բայց ցուցարարները շատ արթուն են եւ կը պաշտպանեն իրենց յեղափոխութիւնը:

Բոլոր լիբանանցիները, տարբեր կրօնքներէ եւ տարբեր կուսակցութիւններէ, մէկ ձեռք դարձած են, որ մեծ վախ սկսած է պատճառել քաղաքական առաջնորդներուն, մտածել տալով, որ եկող ընտրութիւններուն իրենց ընտրողներուն թիւը նուազի:

 

-Այսօր լիբանանահայութեան մօտ ի՞նչ են գլխաւոր մտավախութիւնները:


Լիբանանահայերը, միւս համայնքներուն նման, իրենք ալ մտավախութիւններ ունին, թէ ինչպէս պիտի կարենան դիմագրաւել այս տնտեսական տագնապը: Սակայն լիբանանահայութիւնը, ինչպէս գիտէք, գործուն համայնք մըն է, եւ, յատկապէս դժուար պահերուն, միշտ իրար կողքի են, տարբեր հասարակական կազմակերպութիւննր, ըլլայ հայկական կամ արաբական, եւ տարբեր բարերար անձեր, օգնութեան ձեռք կը մեկնեն հայ համայնքի ծերերուն եւ անապահով ընտանիքներուն:

Իսկ գործի վերաբերեալ, ինչպէս բոլոր լիբանանցի երիտասարդները, հայ երիտասարդները եւս մտահոգ են ստեղծուած գործի ծանր տագնապէն, եթէ այսօր աշխատանք ունեցողները սկսած են կէս դրոյքով աշխատիլ եւ կէս ամսական գանձել, մօտ օրէն, եթէ չպաշտպանենք մեր իրաւունքները, կրնանք աւելի վատ իրադրութեան մէջ յայտնուիլ եւ լրիւ գործազուրկ դառնալ:

 

-Լիբանանահայ երիտասարդներ կը լքեն, կը հեռանան երկրէն, ի՞նչ տուելաներ կրնաք փոխանցել այդ մասին:


Այո,  մեծ թիւով  երիտասարդներու երկրէն հեռանալը մեծ երեւոյթ  դարձած է: Լիբանանահայերը, դժբախտաբար, միւս լիբանանցի երիտասարդներուն նման, իրենց երկիրը կը լքեն եւ այլ տեղեր կ՚երթան, աշխատանքի աւելի լաւ հնարաւորութիւններ կը փնտռեն, որպէսզի կարենան նիւթապէս իրենց ընտանիքին կողքին կանգնիլ: Լիբանանահայերը մաս կը կազմեն Լիբանանի ժողովուրդին եւ իրենք ալ բողոքի  ցոյցերու  կողքին են, ըլլայ ուղղակի կամ անուղղակի ձեւով, իրենք ալ իրենց իրաւունքները կը պաշտպանեն, անշուշտ պահելով իրենց միասնութիւնը իբրեւ հայկական համայնք:

Կրնամ ամփոփել, ըսելով, որ Լիբանանը կ'անցնի շատ դժուար տնտեսական եւ քաղաքական տագնապէ եւ այս ցոյցերը Լիբանանին կը բերեն նոր յոյս, որ դէպի լաւ պիտի երթանք, որ ապագան աւելի լաւ պիտի ըլլայ:

 

 

 

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture