image

Լիբանան. Բողոքի ցոյցեր. օր 31. Սաֆատիի վարչապետ նշանակման համար ճակատագրական ժամեր

Լիբանան. Բողոքի ցոյցեր.  օր 31. Սաֆատիի  վարչապետ  նշանակման համար     ճակատագրական  ժամեր

Այսօր   իր  լրումին կը    հասնի   համալիբանանեան   բողոքի  ցոյցերու     31-րդ օրը։

Փողոցը   ընդհանրապէս  յայտնուած է   հանդարտ   եւ խաղաղ  վիճակի մը մէջ, սակայն   նաեւ սպասողական՝  կապուած       շրջանառութեան մէջ դրուած    այն  լուրերուն, ըստ  որոնց   յառաջիկայ    օրերուն     նախկին նախարար Մոհամմատ  Ալ Սաֆատի պիտի նշանակուի երկրի նոր վարչապետ։

Այս  բոլորէն    անդին նկատելի է, որ երէկ, հակառակ   Պէյրութը  հարուածած      կլիմայական   բարդ  պայմաններու ու անձրեւներուն,  ցուցարարները  շարունակեցին իրենց  բողոքի  գործողութիւնները։

 

Կարգ մը կարեւոր ճանապարհներ փակելէ    բացի անոնք նաեւ  հաւաքուեցան  Սաֆատիի  «Պըրպարա»  շրջանի եւ Պէյրութի  «Քլէմանսո»  շրջանին մէջ գտնուող    պալատին եւ   բնակարանին  շուրջ,   յայտարարելով,  որ անոր  վարչապետ դառնալը անընդունելի է։

 

Քաղաքական  աղբիւրներ  իրենց կարգին կը  հաղորդեն,  որ       երկրի քաղաքական   հիմնական կողմերը համաձայն են,  որ Սաֆատի  նշանակուի  վարչապետ եւ կազմէ   մասնագէտներու  ու նաեւ քաղաքական  կողմերու    «թեքնոքրաթ-բոլիթիք»  կառավարութիւն մը։

Ըստ   պէյրութեան աղբիւրներու,   ցուցարարները  պատրաստ են  այսօր եւս    կատարել  բողոքի  գործողութիւններ     կառչած մնալով իրենց   գլխաւոր  պահանջին, որն է՝   անկախներու  կառավարութեան մը կազմութիւնը։