Պէյրութ- («Արեւելք») Պէյրութի մեր աղբիւրներէն իմացանք, որ Հայ Կաթողիկէ Պէյրութի Առաջնորդ եւ պատրիարքական օգնական Տ. Գէորգ Եպս. Ասատուրեան հանգամանաւոր պատուիրակութեան մը գլխուն այսօր Քեսապ պիտի ժամանէ: Նշենք, որ սոյն այցը Հայ կաթողիկէ բարձրաստիճան կրօնաւորի մը առաջին այցն է հայաւան ՝ Քեսապի դէպքերէն ասդին: Գերապայծառը այնու պիտի պատարագէ Հայ Կաթողիկէ Սուրբ Միքայէլ եկեղեցւոյ մէջ եւ հանդիպումներ պիտի ունենայ քեսապահայութեանը հետ` մօտէն ծանօթանալու անոնց խնդիրներուն: Մեր ընթերցողներուն յիշեցնենք, որ Տ. Գէորգ Եպս. Ասատուրեան նորաօծ Եպիսկոպոս է եւ զինք այդ կոչումին արժանացուց Հռոմի մէջ անցնող Սեպտեմբերին գումարուած Հայ կաթողիկէ սիւնոդոսը: