image

Standard & poors-ի «ռումբ»ը դեռ չէ պայթած.Ի՞նչ կը մտածեն պէյրութահայ մեծահարուստները

Standard  & poors-ի  «ռումբ»ը  դեռ  չէ պայթած.Ի՞նչ կը մտածեն  պէյրութահայ մեծահարուստները

  Մինչ Լիբանանի   քաղաքական    բոլոր կողմերը  իրար «ուս ուսի» տալով  Պաապտայի նախագահական պալատին մէջ երկրի տնտեսական  խնդիրներուն  յատկացուած  ժողով մը կը գումարէին,    անդին  միջազգային վարկանշային     կազմակերպութիւններու  կողմէ   Լիբանանին    մասին հրապարակուած  տեղեկագիրները կը շարունակէին մնալ  թէժ քննարկումներու թեմա։

  Այդ    կազմակերպութիւններուն կողմէ հրապարակած  հանուած ու ամէնէն աւելի մտահոգիչ համարուած      տեղեկագիրը կը համարուէր միջազգային  վարկ եւ կշիռ ունեցող    կազմակերպութեան    տեղեկագիրն էր, որուն համաձայն    Լիբանանի  դրամատնային պահուստները  կրնան   բաւական  մեծ անկումի ենթարկուիլ   եւ  այդպիսով     երկրի ելեւմտական  ոլորտը կրնայ   նոր տագնապներու  դռները   զառնել։

 

 Խնդիրն   անշուշտ  միայն      Միացեալ Նահանգներու կողմէ վերջին  ժամանակներուն «Հըզպալլա»ին  սատարող        անհատներու կամ        ընկերութիւններու դէմ      դրուած  տնտեսական պատիժները     հարցը չէ,  այլ   երկար  տարիներէ ի վեր  Լիբանանի  պետութեան   ուսերուն   կուտակուած   պարտքի    քանակի   աճն է ու աւելին  այդ պարտքին  սպասարկելու միջոցներու նուազումն ու  արտաքին  կողմերէ (յատկապէս եւրոպական)   Լիբանանին  տրուած  խոստումներուն    ի    չիք դառնալը։

 

 Այս բոլորի  կողքին    անշուշտ     երկրին  վրայ   մեծ ազդեցութիւն  պիտի ունենայ  վերջին   տաս օրերուն ընթացքին   Իսրայէլի հետ    առկայ   լարուածութիւնը, որուն  առաջին թիրախն  անշուշտ   Լիբանանի  կաղ   դարձած   տնտեսութիւնն է։

 

  Ներկայ   փուլին    շատ  շատերու կարծիքով   «Հըզպալլա»   կուսակցութիւնը կը   համարուի  անպարտելի  ու  նաեւ   կայ  համոզում, որ Իսրայէլի հետ     ցանկացած   ընդհանրումի պարագային Միջին  Արեւելքի     կտրուածքով      մեծ     ազդեցութիւն եւ  ներուժ   ունեցող  «Հըզպալլա»ն   պիտի կարողանայ իրողապէս      գետնի ընդհանուր իրավիճակը փոխել  եւ մինչեւ օրես  գծուած   «խաղի  կանոններ»ը   շրջել։

 

 Հետեւաբար   եւ  Իսրայէլ  եւ  Միացեալ  Նահանգներ լաւապէս  կը գիտակցին,  որ  Լիբանանի  ամէնէն   թոյլ   եւ «ցաւցնող»  օղակը  անոր ելեւմտական-տնտեսական     արդէն իսկ վիրաւոր օղակն է, որուն  մասին   ամերիկացիք  սկսած են  բաց  թեքստով խօսիլ։  

 Այստեղ կը ծագի   կարեւոր հարցում մը, արդեօք  Լիբանան  պիտի կարողանա՞յ   դիմակայել   ամերիկեան  նոր  ճնշումներուն    եւ  ամենակարեւորը  այդ  պատիժներու լոյսին տակ   ինչ     «ուժ»ի  պիտի դիմեն    լիբանանեան  դրամատուները, որպէսզի կարողանան   ոտքի  պահել    երկրի ելեւմտական  այդքան  կարեւոր  ոլորտը։

 

 Այս բոլորէն  անդին   յստակ է  նաեւ, որ   Լիբանանի    դրամական   շուկային մէջ  արդէն  իսկ երեւելի դարձած են      լիբանանեան     թղթոսկիին    ամերիկեան  տոլարին    դիմաց   բացայայտ  նահանջի     մէջ  է։  Մինչ  անցնող  անցնող ամիսներուն  Լիբանանցիք ստիպուած էին մէկ տոլարի   համար վճարել մինչեւ      1515 լիբանանեան թղթոսկի , այսօր  արդէն  անոնք  պարտաւորած  են       մէկ տոլար  ստանալու  համար վճարել    1565 լիբանանեան    թղթոսկի եւ այս     «շարժում»ը  արդէն    իսկ  բաւական  կարեւոր   պատկեր  մը  կը ներկայացնէ  այն մասին, թէ  ինչ  ընդհանուր  իրավիճակ կը տիրէ    Պէյրութի շուկաներուն մէջ։

 Հիմա   «Արեւելք»ի ընթերցողը  հարց պիտի տայ, թէ  ինչն է մեզի համար այնքան  «հետաքրքրական» ու կարեւոր, երբ թեման կը վերաբերի  միայն  ու միայն        ներ-լիբանանեան  խնդրի  մը,  սակայն  եկէք     աւելի խորքային   հայացք մը տալով   մտածենք, թէ  ինչ    տագնապալի    պիտի ըլլայ մեր  լիբանանահայ  հայրենակիցներուն վիճակը,  եթէ   տնտեսական       բաւական   ծանր   պայմաններու  մէջ   ապրող   երկիրը  մտնէ   ֆինանսական անորոշութեան եւ անսպասելի սղաճի  նոր  փապուղի մը։

 Ու այս   առիթով ալ      շատ իրաւացի է, որ իւրաքանչիւր    հայու    լուման   թանկ  է մեզի համար,  որովհետեւ  այն    հաւաքուած է,  կուտակուած է  ու   կայացած է միայն ու միայն հայու արդար  քրտինքին շնորհիւ։

 

 Արդեօք, ինչ կը մտածեն Պէյրութահայ մեծահարուստ խաւի  ներկայացուցիչները, կամ     արդեօք անոնք, որեւէ խորհուրդ ունին   մեր ժողովուրդին։

 

 Առնուազն   խորհուրդ. Հայ մեծահարուստը  կը  մտածէ՞ անօգնական  խաւի  իր եղբայրներուն մասին.  Այս  է   խորհուրդը,  որուն   պատասխանին   կը  սպասենք նաեւ մենք։