9.09c
Երեվան
հնգ, ապր 18
«Ամուլսարը սար է մնալու» շարժմանը միացել են նաեւ տասնյակ ակտիվիստներ՝ Սփյուռքի տարբեր համայնքներից: Նրանք տեսանյութ են պատրաստել, որով իրենց աջակցությունն են հայտնում Հայաստանի բնապահպաններին՝ վստահ լինելով, որ Ամուլսարը սար է մնալու: Սփյուռքի ակտիվիստների թիվն օրեցօր համալրվում է: Նրանք քարոզչական ակցիաներ են իրականացնում Բոստոնում, որտեղ գործում է «Զորավիգ» սփյուռքյան շարժումը, Փարիզում, որտեղ գործում է «Շարժում» երիտասարդական միությունը, Ստամբուլում, որտեղ ակտիվիստական գործունեությամբ աչքի է ընկնում «Նոր Զարթոնք» հայկական առաջադեմ կազմակերպությունը, իսկ Բեյրութի ակտիվիստներին միացել է նշանավոր ռեժիսոր Նիկոլ Բեզջյանը: Շարժմանն իրենց ձայնն են միացրել նաև ԱՄՆ Յուտա նահանգի կենտրոն Սոլթ Լեյք Սիթիում, Օքլենդում ապրող հայեր:
Սփյուռքն իր ձայնը հնչեցնում է ինչպես տեսանյութերով, այնպես էլ՝ #ամուլսարը_սար հեշթեգով եւ թուիթերյան գրառումներով:
