Սուրիոյ հարցով Ռուսաստան- Թուրքիա կարեւոր համաձայնութիւն... Պաշտօնական կեղծիք հրապարակելու կասկածով ձերբակալուած է Արսէն Պապայեանը... Լիբանան. Դրամատուները եւ դպրոցները վաղը դարձեալ փակ... Հոգեմատեան. Գրեց՝ Վարանդ Քորթմոսեան...
«Ես Հալէպը չլքեցի, ինչպէս լաւ բժիշկը, որ իր հիւանդը չի յանձնէր ճակատագրի խաղերուն ...» Հալէպահայ բժիշկ Մելքոն Գալայճեան
«Ես Հալէպը չլքեցի, ինչպէս լաւ  բժիշկը,  որ  իր  հիւանդը  չի յանձնէր  ճակատագրի խաղերուն ...» Հալէպահայ բժիշկ Մելքոն Գալայճեան
09 Օգոստոս 2019 , 23:59

«Արեւելքի» հարցումներուն կը պատասխանէ հալեպահայ բժիշկ Մելքոն Գալայճեանը

 

-Ներկայիս ինչպէ՞ս կը բնութագրէք Հալէպի ընդհանուր իրավիճակը:


Ապահովական վիճակը ինչպէս նաեւ օրուայ կենցաղային պահանջքները՝ ելեկտրականութիւն, ջուր, հաց, հաղորդակցութեան միջոցներ, վառելանիւթ, օրէ օր կը բարելաւուին:

 

-Ի՞նչ են հալէպահայութեան գլխաւոր դժուարութիւնները եւ մարտահրաւէրները:


Դժուարութիւնները հիմնականին մէջ  տնտեսական են: Հալէպահայը, որ դիմագրաւեց դաժան տարիները, ունի մէկ մարտահրաւէր եւ պարտաւորութիւն, այն է՝ Հալէպը վերականգնել որպէս մայր գաղութ՝ իր եկեղեցիներով, դպրոցներով եւ ակումբներով:



 

-Որպէս համայնքային գործիչ, ի՞նչ ոլորտի մէջ կը գործէք, ի՞նչ տեղեկութիւններ կրնաք տալ ձեր գործունէութեան մասին:


Ես բժիշկ եմ, մասնագիտութեամբ՝ մանկաբարձ, կնախտաբան-կանանց վիրաբոյժ: Համեստաբար անդամ եմ Հայկական Բարեգործական Ընդհանուր Միութեան Սուրիոյ Շրջանակային Յանձնաժողովին եւ Ատենապետը՝ ՀԲԸՄ-ի Առողջապահական յանձնախումբին, որուն կատարած բարեսիրական եւ առողջապահական գործունէութեանց մասին բոլորդ ալ տեղեակ էք: 

Տագնապի տարիներուն եւ մինչ այսօր կը շարունակեմ իմ մասնագիտական եւ հասարակական գործունէութիւնս:

 

-Ձեր կարծիքով այսօր ի՞նչն է, որ կը պակսի հալէպահայութեան, որպէսզի ընթացք առնէ Հալէպի վերականգնումի այդքան կարեւոր   գործը։


Հալէպահայը հպարտ եւ արժանապատիւ անձ է եւ ոչ՝ խեղճ, ողորմելի: Դաժան տարիներուն համայն հայութիւնը ի Հայաստան եւ ի սփիւռս աշխարհի, իրենց ազգային պարտականութիւնը կատարեցին եւ կը կատարեն նիւթաբարոյական իմաստով, մինչեւ հալէպահայը ինքն իր ուժերը հաւաքէ եւ հաստատուն քայլերով ընթանայ դէպի առաջ:

 

-Տաբեր առումներով որոշ տեղաշարժեր տեղի ունեցան Հալէպի մէջ, օրինակ  Մեծի Տանն Կիլիկիոյ Ն.Ս.Օ.Տ.Տ. Արամ  Ա. Կաթողիկոսի այցը, Քառասնից Մանկանց եկեղեցւոյ վերաբացումը, տարբեր միութիւններու աշխատանքներու վերսկսիլը, արդեօք այս բոլորը բաւարար են,  ըսելու համար, որ Հալէպը մտած է վերականգնումի փուլը:


Ձեր նշած երեւոյթները  գաղութը կ'աշխուժացնեն, անոր յոյս եւ եռանդ կը ներշնչեն եւ հիմք կը  դառնան գաղութի ապաքինման եւ վերականգնման: Նշեմ, որ Հալէպի մարզամշակութային կեանքը կը շարունակուի նոյնիսկ աւելի եռանդուն, քան   կարգ մը հայահոծ  եւ կայուն   եղող որոշ գաղութներ։



 

-Դուք չհեռացաք Հալէպէն, հակառակ պատերազմական թէժ իրավիճակին, արդեօք զղջացա՞ծ էք այդ որոշումին համար:


Չեմ զղջացած եւ ոչ ալ կը զղջամ: Եթէ որպէս բժիշկ պատասխանեմ,  ցանկացած բժիշկ վիրաւոր հիւանդը չի յանձներ  ճակատագրի խաղերուն, այլ կ'աշխատի անոր կեանքը փրկել: Եթէ պատասխանեմ որպէս սուրիահայ քաղաքացի, Հալէպը իմ ծննդավայրն է, մանկութեան, պատանեկութեան եւ երիտասարդութեան յիշատակարանը, մեր պապերու եւ տատերու արդար քրտինքով հիմնուած եկեղեցին, դպրոցը, ակումբը, իրենց շիրիմները այստեղ են. Միթէ՞ կարելի է հեռանալ:
Մահը մարդու իրաւունքն է, ես կ'ըսէի մէկ անգամ կը մեռնիմ Հալէպի մէջ, քան թէ օտարութեան մէջ ամէն օր մեռնիմ: Անշուշտ Հայաստանը բացառուած է այս տողերէս:

 

-Որոշ պատգամ մը ունի՞ք Հալէպէն հեռացած ձեր հայրենակիցներուն, ի՞նչ կ'ուզէք ըսել անոնց:


Հալէպէն  հեռացողները  իրենց պատճառները ունին, մարդիկ կամայ թէ ակամայ մեկնեցան: Եթէ զղջացած են, թող վերադառնան, եթէ ոչ՝ հալէպահայութեան հանգիստ թող ձգեն, չի խրախուսեն  զիրենք  լքելու Հալէպը: Նամանաւանդ «հայ»  անունը   կրող  որոշ կազմակերպութիւններ, որոնք փոխանակ հալէպահայուն բարենպաստ պայմաններ ստեղծեն, որ  Հալէպի մէջ գոյատեւէ եւ ապրի կամ հայրենադարձութիւնը քաջալերեն, հայութիւնը օտար հեռու ափեր տանելու գործ կ'ընեն:


-Ինչպէ՞ս կը տեսնէք Հալէպի մօտիկ ապագան:


Յոյսը մարդու գոյատեւման գրաւականն է, հալէպահայը յուսահատելու իրաւունք չունի: Հալէպի հայ գաղութը խոր արմատներ ունի. Այո՛ ցնցուեցաւ, նօսրացաւ, սակայն, ինչպէս սուրիական հայրենիքը, չ՚փլուզուեցաւ: Լաւատես ըլլալ է պէտք եւ ապագային նայիլ վարդագոյն ակնոցներով:

Սուրիահայութիւնը  կը վայելէ արաբ ազնիւ ժողովուրդի յարգանքը,  նաեւ ուշադրութիւնը եւ հոգատարութիւնը Սուրիոյ կառավարութեան եւ իշխանութիւններուն։ Ու  այս  բոլորը նաեւ պատճառ են, որ   սուրիահայութիւնը    շարունակէ  իր երթը ապահով եւ անվտանգ  պայմաններու տակ։ 

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture