image

7 Օգոստոսը ԱՍԱԼԱ-ի նահատակներու «Յիշատակի օր»ն է

7 Օգոստոսը  ԱՍԱԼԱ-ի նահատակներու «Յիշատակի օր»ն է

 7 Օգոստոսը     «Հայաստանի Ազատագրութեան Հայ  Գաղտնի   բանակ» ՝ ԱՍԱԼԱ-ի    նահատակներու   յիշատակի օրն է։

1970-ականներուն   սփիւռքի  մէջ ծնունդ  առած  ԱՍԱԼԱ-ն,  «Հայ  յեղափոխական բանակ»ի եւ  «Հայկական Ցեղասպանութեան Արդարութեան Մարտիկներ»ու հետ միասին    դարձաւ   թրքական  շահերը  հարուածի  տակ    առնող  կարեւոր  կառոյց։

Այդ մարմնին  անդամակցեցան   հարիւրաւոր  անձնազոհ մարտիկներ, որոնցմէ շատերը կեանքի  գնով  առաջ տարին  հայ ժողովուրդի        պահանջատիրութեան  պայքարը։

ԱՍԱԼԱ-ի    տարած զինեալ   պայքարի կարեւորագոյն  հանգրուաններէն կը համարուի  1982 թուականին Թուրքիոյ  մայրաքաղաք  Անքարայի  մէջ  իրականացուած     «Կարին-էրզրում» գործողութիւնը, որուն  ընթացքին    գործողութեան  մասնակից    ԱՍԱԼԱ-ի մարտիկները  յարձակում գործեցին  «էսէնպողա»    օդակայանին   դէմ։ Գործողութեան ընթացքին  կը նահատակուէր    գոմանտոյի խմբապետ ՝   Զօհրապ Սարգիսեանը, իսկ  երկրորդ մարտիկ ՝ Լեւոն Էքմէքճեանը   կը ձերբակալուէր ու ապա    անարդար  դատավարութեան  զոհ  դառնալէ   ու  Անքարայի  կառավարութեան  սուտ  վստահեցումներէն ետք   կախաղան  բարձրացուելով կը միանար   հայ ժողովուրդի ազատագրական պայքարին մասնակից դարձած   եւ  անմահացած հերոսներու փաղանգին։

Այդ    օրուան  խորհուրդները եւ նուիրումի  բարձր  նշաձողը   հաշուի առնելով՝  ԱՍԱԼԱ  աւելի ուշ   7  օգոստոսը  կը   հռչակէր  «ԱՍԱԼԱ-ի նահատակներու յիշատակի» օր։

 

ԵՌԱԲԼՈՒՐ  պանթէոնին մէջ    յատուկ ուխտավայր մ՚ունենալէ  ետք    այդ  շարժման նուիրեալներն   ու  համակիրները   ամենամեայ դարձած  աւանդութեամբ  յատուկ  արարողութիւն մը  կատարելով կը յարգեն  մեր ժողովուրդի    մեծ երազներու    փշոտ  ճանապարհին  վրայ ինկած   անմահներուն յիշատակը։

Այս  առումով ալ   եւ    ՀԺՇ-ի  Երեւանի  գրասենեակէն  ստացուած  հաղորդագրութեամբ մը վերահասու դարձանք, որ այս տարի եւս   ԱՍԱԼԱ պիտի  նշէ  իր «Նահատակներու  յիշատակի օր»ը   եւ   այսօրուան  միջոցառումը պիտի կայացուի ԵՌԱԲԼՈՒՐ-ի    հերոսներու պանթէոնին  մէջ յետմիջօրէի   ժամը  18:30-ին։