Վրաստանի Զուքտիտ եւ Պաթում քաղաքներուն մէջ բողոքի երթեր տեղի ունեցած են, որոնց մասնակցած են Միասնական ազգային շարժում» խոշորագոյն ընդդիմադիր կուսակցութեան ներկայացուցիչներն ու աջակիցները, կը հաղորդէ apsny.ge-ն:
Ցուցարարներու հիմնական պահանջը երկրի ներքին գործերու նախարար Կէորկի Կախարիայի հրաժարականն է: Երթի մասնակիցները «վարչակարգը պէտք է ոչնչացուի», «Կախարիա, հեռացի՛ր» եւ այլ կարգախօսներ վանկարկած են:
«Սա խաղաղ ցոյց է: Կը պահանջենք Կախարիայի եւ ամբողջ կառավարութեան հրաժարականը: Այդ պահանջը կը մնայ, եւ բողոքի ցոյցերը կը շարունակուին մինչեւ վերջ»,- յայտարարած են ցուցարարները:
Ցուցարարները երթ կազմակերպած են նաեւ մայրաքաղաք Թիֆլիսի Հանրապետութեան հրապարակէն դէպի իշխող «Վրացական երազանք» կուսակցութեան նախագահ Պիձինա Իւանիշվիլիի տուն եւ ճանապարհին կանգ առած են ներքին գործոց նախարարի տան առաջ: