«Ֆրանչիսկոս Պապին մօտիկութիւնը մխիթարանք է մեզի համար» Բերիոյ Թեմի Հայ Կաթողիկէ Առաջնորդ... Նիկոլ Փաշինեան եւ Աննա Յակոբեան մասնակցած են ԵՈՒՆԵՍՔՕ-ի 40-րդ Ընդհանուր ժողովի աշխատանքներուն... «Ես իշխանութեան վրայ վախ չունի, այլ կը վախնամ Լիբանանի վրայ ...» Նախագահ Աունի զրոյցին կարեւոր կէտերը... Ինչո՛ւ եւ ինչպէ՛ս արժեւորել կեանքը. Կամ լիբանանահայ պատանի Աւօ Գրիգորեանի պայքարի պատմութիւնը...
«Մեր գաղութին համար ամենախոցելի հարցը հայախօսութեան հարցն է». Սօսի Չիլինկիրեան
«Մեր գաղութին  համար ամենախոցելի հարցը հայախօսութեան հարցն է». Սօսի Չիլինկիրեան
25 Յունիս 2019 , 21:50

«Արեւելք»ի հարցերուն կը պատասխանէ Գահիրէի «Գալուստեան-Նուպարեան» Ազգ. Վարժարանի բարձրագոյն դասարաններու հայերէնի ուսուցչուհի, մանկավարժ Սօսի Գարօղլանեան-Չիլինկիրեան:


-Գիտենք, որ դուք 18 տարիէ ի վեր նախ Լիբանանի եւ ներկայիս Եգիպտոսի մէջ  ուսուցչութեամբ կը զբաղիք: Այսօր հայեցի դաստիարակութեան գլխաւոր խնդիրները ի՞նչ են Եգիպտոսի՝ Գահիրէի մէջ:


Ձեր առաջին հարցումին պատասխանելով, ըսեմ, որ մեր վարժարանի պարագային, հայեցի դաստիարակութեան գլխաւոր խնդիրը մայրենի լեզուին ոչ պէտք եղած չափով գործածութիւնն է, նկատի ունենալով, որ գոյութիւն ունին խառն ամուսնութիւններ եւ իբրեւ արդիւնք, այդ ընտանիքի աշակերտը հայերէնը կը գործածէ միմիայն վարժարանէն ներս, երբեմն ալ միայն հայերէնի դասապահուն:  Ի վերջոյ մեր   գաղութին  համար  ամենախոցելի   հարցը  հայախօսութեան   հարցն է: 

 

 

-Եգիպտոսի հայկական  գաղութը երկար ժամանակ եղած է Միջին Արեւելքի հայութեան ամէնէն վառ, լուսաւոր գաղութներէն մին: Այսօր ի՞նչ վիճակի մէջ է, ինչպէ՞ս կը բնութագրէք գաղութի վիճակը:


Գաղութը ժամանակին Միջին Արեւելքի մտաւորականութեան կեդրոնը ըլլալով, ամէն ճիգ ի գործ կը դնէ գոյատեւելու համար:

Այսօր ալ այնտեղ կը գործեն կուսակցութիւնները իրենց մշակութային, մարզական ակումբներով: Բոլորին ալ նպատակը մէկ է՝ հայկական միջավայրը ուժեղացնել, հայկական ոգին ամրապնդել նորահաս սերունդին մէջ:

 

 

-Գիտենք որ Գահիրէի մէջ, ինչպէս բոլոր համայնքներուն մէջ, գաղութի կենսունակութեան մէջ գլխաւոր դերը հայ երիտասարդութեան է: Այսօր ի՞նչ խնդիրներ կը դիմագրաւէ հայ երիտասարդութիւնը Եգիպտոսի մէջ:


Ինչպէս բոլոր գաղութներու մէջ, նոյնպէս եւ մեր պարագային, հայ երիտասարդութիւնը  կը դիմագրաւէ դժուարութիւններ, որուն հիմնական պատճառը հետաքրքրութիւններու փոփոխութիւնն է: Անշուշտ կան միջոցներ, ձեւեր առաջքը առնելու կամ հարթելու դժուարութիւնները, կը կարծեմ, որ առանձին թեմա է եւ այս մասին կարելի է անդրադառնալ տարբեր առիթով:

 

 

-Կը լսենք նաեւ, որ Եգիպտոսի հայ գաղութէն արտահոսքը կը շարունակուի դէպի հեռաւոր երկիրներ՝ Միացեալ նահանգներ, Եւրոպա, Գանատա, արդեօ՞ք դէպի Հայաստան ուղղուածութիւն կայ:


Ճիշդ է, որ կայ այդ արտահոսքը, տարբեր պատճառներով, սակայն կայ նաեւ դէպի Հայաստան ներգաղթը, ըլլան անոնք ընտանիքներ եւ կամ ուսանողներ, որոնք իրենց համալսարանական կրթութիւնը կը շարունակեն հայրենիքի մէջ:

 

 

-Ի՞նչ կ'ըսէք կրթական համակարգի դժուարութիւններու մասին,  դասագիրքերու, կրթական ծրագրի, կրթական որոշակի ուղղութիւններ տալու առումով ի՞նչ խնդիրներ ունիք:


Այս հարցումին պատասխանելով, շեշտը կ'ուզեմ դնել հայկականին վրայ:  Սկսելու համար, ըսեմ, որ կրթական ծրագիրը կը մշակեն հայերէն լեզուի ուսուցիչները եւ դասարաններու մէջ կատարուած կամ պահանջուելիք աշխատանքներու ընդմէջէն կը փորձեն աշակերտը դարձնել լայնախոհ: Այստեղ ալ կը դիմագրաւենք դասագիրքերու դժուարութիւններ: Անձնապէս, միշտ ալ հաւատացած եմ, որ իւրաքանչիւր գաղութ պէտք է ունենայ  իր դասագիրքերու  ժողովածուն, յատուկ, ի՛ր աշակերտներուն համար պատրաստուած, անշուշտ խօսքս հայերէնի դասագիրքերու մասին է եւ որ բաւականին ծանր  եւ դժուար աշխատանք կ'ենթադրէ:

Իսկ հիմնական խնդիրը, ըստ իս, կարող եւ մասնագէտ ուսուցիչի, մանկավարժի բացակայութիւնն է ամէնուրեք:

Այս ալ նոյնպէս տարբեր առիթով քննարկուելիք թեմա է:

 

 

-Արդեօք վտանգուած կը տեսնէ՞ք Եգիպտոսի հայութեան ապագան: 


Անշո՛ւշտ, ինչպէս այլ գաղութներ, մենք եւս վտանգուած ենք, որովհետեւ ամէնօրեայ պայքարի մէջ ենք մեր զաւակները պահելու հա՛յ, նկատի ունենալով, որ խառն ամուսնութիւններու քանակը օրըստօրէ կ'աւելնայ եւ նոր սերունդի հետաքրքրութիւնները կը փոխուին:

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture