image

Պուէնոս Այրէսէն ...Երեւան.Կոմիտաս Մերճանեանի վառ երազը

Պուէնոս Այրէսէն   ...Երեւան.Կոմիտաս Մերճանեանի  վառ երազը

Կոմիտաս Մերճանեանը  մէկն է այն երիտասարդներէն, որոնք  Սուրիոյ  պատերազմի  ծանր  օրերուն որոշեց  հաստատուիլ ՝Երեւան։

 Ու ինչպէս մենք  սովոր ենք  ըսել   Կոմիտաս     «ամէն ինչ  սկսաւ զէրօյէն»։

  Նախ  գործէն ու հացէն  առաջ  սիրեց  Հայաստանը, սիրեց  Երեւանը։ Շնչեց  ու իր   երազները  կապեց  մեր երկրին  հետ։

 

 Ունեցաւ շրջապատ, ընկերներ,   մտածեց գործ  մը սկսիլ ու ինքզինք գտաւ  գինիի ու գինեգործութեան մեծ աշխարհին մէջ։

 Մեզմէ  շատերուն մօտ գինիի   աշխարհին մէջ ըլլալ  կը նշանակէ    ամէն օր   եւ ամէն   առիթի  խմող ըլլալ, նոյնիսկ  հարբեցող  ըլլալ, բայց    այսօրուան   սերունդին համար    այդպէս չէ  իրականութիւնը։

 Կոմիտաս  եղաւ  անոնցմէ,  որոնք  ոչ միայն  սէր ունեցան գինիի ու գինեգործութեան աշխարհին  հանդէպ,  այլ       նաեւ   երազ   կապեցին  այդ  աշխարհին հետ։

 Ու դանդաղ  քայլերով այլ երազը  ոտքի ելաւ ու Կոմիտասը  տարաւ  ու հասցուց մինչեւ հեռաւոր   Արժանթին՝  Պուէնոս Այրէս, ուր ան  այսօր  գինեգործութեան  աշխարհի կարեւորագոյն    գաղտնիքները կը ստանայ, կը սորվի, կը հմտանայ, անշուշտ     այդ  բոլորը  ծառայացնելու համար իր  ու մեր  սիրած  երկրին ՝Հայաստանին։

 

 Կոմիտաս   անոնցմէ է, որ գացին    հեռու   վերադառնալու համար ու իրենց վառ  երազներուն  նոր թափ   տալու համար։

 Կոմիտասի մեծ  երազն է Հայաստանի մէջ  հիմնել  արդիական, բայց նաեւ աւանդական ոգիով     գործող     գինեգործարան մը, որուն հմայքն  այս անգամ հասնի մինչեւ հեռու-հեռուներ, մինչեւ Պուէնոս  Այրէս։

Դիտեցէ՝ք  Կոմիտասի   պրիսմակին պատկանող     կարճ տեսանիւթերը, որոնք     նկարահանուեցան  յատուկ «Արեւելք»ի   համար։