14.09c
Երեվան
շբթ, ապր 20
Արտակարգ դէպք մը պատահած է Համայի գիւղերէն մէկուն մէջ, երբ ահաբեկիչ զինեալներ հրթիռներ նետած են կրօնական վարժարանի մը վրայ: Այս մասին «Արեւելք» տեղեկութիւն ստացաւ Դամասկոսի իր աղբիւրէն:
Մեր աղբիւրը նաեւ նշէց, որ այս առաւօտ Համա նահանգի մէջ գտնուող Սքըլպիա շրջանին մէջ գործող հիւանդանոց տարուած են հրթիռարձակումներու զոհ դարձած անչափահաս երեխաներ:
Կը նշուի նաեւ, որ հիւանդանոց փոխադրուած են 11 անձեր, որոնց հինգը մահացած է:
Զոհերուն մէջ կայ նաեւ հայ փոքրիկ մը, որ կը կոչուի Ճեսիքա Գրաճեան:
Նշենք, որ Համայի շուրջ կը շարունակեն գործել ահաբեկչական խմբաւորումներ, որոնք յաճախ հրթիռներ կը նետեն անզէն բնակչութեան շրջաններու ուղղութեամբ:
Լուսանկարին մէջ՝ հրթիռակոծման զոհերը
