Հալէպահայ Աբրահամ Գոճաօղլանեանը յաջողած է Հալէպի մէջ իր հօր կերտած աշխատանքը փոխադրել Երեւան։
Սուրիոյ ծանր պատերազմին հետեւանքով հայրենիք տեղափոխուած Աբրահամը Հայաստանի «Առաջին ալիք»ին պատմած է առաջին տարիներուն Հայաստանի մէջ ապրած դժուարութեանց մասին: «Առաջին օրերուն ինծի համար բաւական դժուար էր հասկնալ տեղի խօսակցական լեզուն, սակայն ժամանակի ընթացքին յաջողեցայ շրջանցել այդ դժուարութիւնը»,- ըսած է Աբրահամ, նշելով, որ այսօր լաւ կը հասկնայ Երեւանի խօսակցական լեզուն։
«Առաջ չէի գիտեր ինչ ըսել է շուրուպ կամ աբրաւա, սակայն այսօր գիտեմ, կը հասկնամ այդ լեզուն ալ»։
Աւելի մօտէն ծանօթանալու համար Աբրահամի առօրեային, կ՚առաջարկենք դիտել տեսանիւթը։
Նշենք, որ տեսանիւթը պատրաստուած է 2016 թուին։