Սփիւռքը իր գոյութիւնը կը պարտի հալէպահայութեան . Վերա Եագուպեան... Փաշինեան շնորհաւորեց Զելենսքին... Սրի Լանքայի սպանդ. Յայտնի է ահաբեկչական խմբաւորման անունը... Տաճարը՝ Աւագ շաբթուայ աղօթքներու ներքոյ...
Ծանօթ եւ անծանօթ Իրանը. ֆէյսպուքեան ֆլեշմոպ վարչապետ Փաշինեանի այցին ընդառաջ
Ծանօթ եւ անծանօթ Իրանը. ֆէյսպուքեան ֆլեշմոպ վարչապետ  Փաշինեանի այցին ընդառաջ
11 Փետրուար 2019 , 10:16

 

Իրանագէտ Գոհար Իսքանտարեանը ՀՀ վարչապետ Նիկոլ Փաշինեանի՝ 27 փետրուարին Իրան կատարելիք այցէն առաջ 3 փետրուարին յայտարարած է իւրատեսակ ֆլեշմոպ սկսելու մասին՝ տեղադրելով երաժշտական հոլովակ:

«Ամէն օր Իրանը աւելի ճանաչելի դարձնելու նպատակով ընկերներուս համար պիտի տեղադրեմ իրանական երաժշտութիւն, շարժանկար, լուրեր……պիտի ըլլան նաեւ այլ երկիրներու արտադրութեան, բայց Իրանին վերաբերող ֆիլմեր: Կ'առաջարկեմ իրանագէտ ընկերներուս, ուսանողներուս միանալ flash mob-ին: Ինչու կ'ընեմ, որովհետեւ արդէն 15 տարի է կը խօսինք Իրանի մասին, բայց մեր հասարակութեան լայն շերտերը այնուամենայնիւ քիչ տեղեկութիւն ունին Իրանի մասին: Այսօր սկսինք այս ուրախ երաժշտութեամբ, վայելցէք …»:

 

Ատրպէյճանագէտ Տաթեւ Հայրապետեանը, միանալով #flashmob մինչեւ փետրուարի27   ֆլեշմոպին՝ վերսկսած է իրանական պատմութիւններու շղթան: Ան լուսանկարներ հրապարակած է՝ կից հետեւեալ գրառմամբ.

«Իսֆահան՝ Իրանի  ամենագունագեղ քաղաքներէն մէկը, որ մէկ կողմէն համեմուած է թագաւորական պալատներով, պատմութեամբ, միւս կողմէն՝ հայկական ժառանգութեան խորհրդանիշներով։ Հայկական թաղամասին մէջ՝ մասնաւորապէս Անի սրճարանին մէջ, կը գտնէք Իրանի ամենահամեղ հայկական լեղի սուրճը: Խոշոր, զարգացած քաղաքը յաջողած է պահպանել Իսֆահանի վաղեմի թագաւորական շունչը, ինչպէս նաեւ այստեղ ապրող տարբեր ժողովուրդներու մշակութային ժառանգութեան տարրեր։ Բաց մի´ թողէք Իրան այցելելու եւ Իսֆահանի գունագեղ փողոցներուն մէջ կորսուելու ձեր առաջին իսկ հնարաւորութիւնը»։

 «Յաճախ երիտասարդները կը հարցնեն Իրանի մէջ հագուստի մշակոյթի մասին: Հիմնական այն կարծարատիպն է, որ Իրանի կիները բոլորը սեւազգեստ են եւ այլ գոյն պարզապէս արգիլուած է կրել: Ներքեւը տեղադրուած նիւթը կը ներկայացնէ Իրանի նորաձեւութեան պատմութեան մասին: Վայլեցէք: Կիները իւրաքանչիւր պարագայի կը ձգտին ըլլալ գեղեցիկ, այն արգիլել հնարաւոր չէ»,- գրած է Իսքանտարեանը:

«Ֆէյսպուքի» մէջ հրապարակուած է նաեւ իրանցի մեծ բանաստեղծ Օմար Խայամի ստեղծագործութիւններէն մէկը՝ Գէորգ Էմինի թարգմանութեամբ.

«Այս աշխարհում խելոք ու լուրջ պիտի լինես,
Խելքը գլխիդ եւ լուռումունջ պիտի լինես,
Քանի ականջ, աչք ու լեզու տեղում են դեռ,
Էն գլխից կոյր, համր ու խուլ պիտի լինես»:

Օգտատէրերը նաեւ իրազեկած են, թէ ինչ պէտք է իմանալ Իրան այցելելէ առաջ:

 


 

Թուրքագէտ Արտակ Շաքարեանը եւս միացած է նախաձեռնութեան՝ հետեւեալ գրառմամբ.

«Համաձայն իրանական քրէական օրէնսգիրքի՝ յօդուած 147, մեղսունակութեան տարիքը տղաներու համար սահմանուած է 15 տարեկանը (լուսնային), իսկ աղջիկներու համար 9՝ ինը, տարեկանը (լուսնային)։

Ընդ որում 9 լուսնային տարին մեր հաշուարկով կը համապատասխանէ 8 տարի եւ 9 ամսին, իսկ 15 տարեկանը՝ 14 տարի ու 7 ամսին։

Իսկ Իրանական քաղաքացիական օրէնսգիրքը նոյն տարիքները կը սահմանէ որպէս ամուսնութեան նուազագոյն տարիք՝ յօդուած 1041։ (update: վերջերս ընդունուած նոր օրէնսգիրքով աղջիկներու ամուսնութեան տարիքային շեմը բարձրացուցած են 13-ի, բայցեւայնպէս տղամարդը իրաւունք ունի դիմելու դատարան ու խնդրելու մասնաւորապէս իր պարագային այդ շեմը վերանայիլ․․․։

փաստօրէն․․․ Ժիր էր Մարօն, դուրեկան, նոր էր ինը տարեկան․․․»:

 

Գոհար Իսքանտարեանը խորհուրդ տուած է դիտել Մարժան Սաթրափի «Պերսեպոլիս» մուլտֆիլմը:

«Ան ֆիլմին մէջ լաւագոյնս կ'անդրադառնայ Իրանի մէջ առկայ շարք մը խնդիրներու, թէ´ շահական, թէ´ Իսլամական Հանրապետութեան շրջանին»,- գրած է իրանագէտը:

Ֆլեշմոպի շրջանակէն ներս տարածուած է նաեւ Նիզամիի «Խոսրով եւ Շիրին» (ազգութեամբ հայ) պոեմէն հատուած Լորիս Ճգնաւորեանի երաժշտախումբի նուագակցութեամբ:

 

Հնագիտութեան եւ ազգագրութեան հիմնարկի աշխատակից Տիգրան Սարգսեանը  եւս հետաքրքիր դրուագ ներկայացուցած է Իրանի մասին, այն է՝  Իրանի մէջ գոյութիւն ունեցող ժամանակաւոր ամուսնութիւնը:

«Այսօր Իրանի մէջ տարածուած է ամուսնութիւնը երկու ձեւ` մշտական ամուսնութիւն եւ ժամանակաւոր ամուսնութիւն (Սիղէ): Ժամանակակից Իրանի մէջ, մասնաւորապէս` Թեհրանի, լայն տարածում ունի ժամանակաւոր ամուսնութիւնը, որ այսօր թոյլատրուած է նաեւ օրէնքով:

Ժամանակաւոր ամուսնութիւնը կը ներառէ օրինական սեռական կապ եւ երեխաներ ունենալու իրաւունք, որ, սակայն, քիչ կը հանդիպի: Այս ամուսնութենէն ծնած երեխաները ունին իրաւական օրինականութիւն, սակայն հասարակութեան կողմէ մասամբ չեն ընդունուիր եւ կ'անարգուին:

Ժամանակաւոր ամուսնութեան մէջ ամուսնալուծութիւն չկայ, բայց տղամարդը կրնայ «ժամանակի նուէր ընել», այսինքն` այն ժամանակի, որ պայմանագրով մնացած է»,- գրած է ան:

Գոհար Իսքանտարեանը յայտնած է, որ Իրանը 2018-ին դիմած է ԵՈՒՆԵՍՔՕ-ին` Սպահանի հայկական վանքը համաշխարհային ժառանգութեան ցանկին մէջ գրանցելու համար:

«Ւ դէպ, Իրանի մէջ շուրջ 200 հայկական եկեղեցի կայ, որոնց պահպանման խնդիրները կը հոգան ինչպէս համայնքի ուժերով, այնպէս ալ պետութիւնը կը յատկացնէ որոշակի գումարներ: Իսկ 2008-ի Եունեսքոյի համաշխարհային ժառանգութեան ցանկին մէջ գրանցուած էր Սուրբ Թադէ եւ Ձոր-ձոր եկեղեցիները»,- գրած է ան:

 

ա:


Իսքանտարեանը նաեւ յայտնած է, որ իրանցի բանտարկեալները արձակուրդ ունին եւ տարուան մէջ մի քանի օր կրնան տուն երթալ:

«Խօսքը իրանցի բանտարկեալներուն արձակուրդ տրամադրելու մասին է, թէ ինչպէս անոնք «պոնուսներ» կը հաւաքէն լաւ պահուածքի համար. Կը տրամադրուին որոշ օրեր, երբ կրնան լքել բանտը, բայց վերադառնալու պայմանով: Կարդացէք եւ ճանչցէք Հարեւան Իրանը:

«Եթէ վնաս պատճառած արարքը քրէական օրէնքով կը համարուի ոչ-դիտաւորեալ, առանց հասարակութեան անվտանգութիւնը միտուած ըլլալու, ապա կալանաւորը կրնայ օգտուիլ արձակուրդային առիթներէն, որուն հասնելու համար անոր հարկաւոր է վաստակիլ համապատասխան բարոյական միաւորներ հետեւեալ կարգով.

Ա- 15 տարուան ազատազրկման դիմաց կալանաւորը պէտք է առնուազն կրած ըլլայ նշանակուած պատիժի մէկ-վեցերորդը, իսկ ցմահ կամ 20-էն աւելին կալանքի դիմաց՝ պատիժի չափի առնուազն 3 տարին: Տուեալ պարագային վաստակած իւրաքանչիւր 200 միաւորի դիմաց ան կրնայ ստանալ արձակուրդայինի երեքօրեայ հնարաւորութըւն:

Ա1-միաւորներ վաստակելու մեխանիզմը կ'աշխատի հետեւեալ կարգով.

– Ազատազրկուած անձի մասնակցութիւնը ընթերցանութեան, կալանավայրի մէջ կարգ ու կանոնի հաստատման, շինարարութեան, կրօնական արարողակարգերու ու ծէսերու, մշակութային եւ կրթական, մարմնամարզութեան, եւ կենցաղային գիտելիքներու աշխատանքներուն ու դասընթացներուն մասնակցելու դիմաց (իւրաքանչիւր աշխատանքի համար) համապատասխանաբար 20-էն 30 միաւոր:

– Ուսումը շարունակելու համար 10, իսկ համապատասխան տիպլոմային քննութեան մէջ գրանցած յաջողութեան դիմաց՝ 50 միաւոր:

– (Մինչեւ) 100 միաւոր՝ ուղղիչ հիմնարկներու բարեկեցութեան յանձնաժողովներու հայեցողութեամբ:

– տուժողին պատճառած վնասի հատուցման դիմաց 50 միաւոր:

– 150 միաւոր տարեցներու եւ պատերազմի վեթերաններու համար, եթէ անոնք կը շարունակեն դրսեւորել կարգապահ պահուածք:

– 10 տարեկանէն փոքր երեխայ ունեցող ազատազրկուած մայրերուն՝ նոյնպէս 150 միաւոր:

 

Իսկ արձակուրդայինի կարգը կը կիրառուի հետեւեալ ձեւաչափով.

Ա-Տարեցներուն ու մինչեւ 10 տարեկան երեխայ ունեցող մայրերուն՝ իւրաքանչիւր երկու ամսուան դիմաց 3-էն 5 օր:

Բ- հասարակութեան համար վտանգաւոր տարր չհամարուող ազատազրկուած անձին՝ երեք ամսուան դիմաց 3-էն 5 օր:

Նկատի ունենալով Իրանի տարածքը եւ շրջաններու հեռաւորութեան վարկածը, 100 քիլոմեթրը գերազանցող հեռաւորութեամբ տարածութիւններու դիմաց մէկէն չորս օր յաւելում կը կրէ արձակուրդայինի շրջանը:

Իհարկէ, այս պոնուսները չեն տարածուիր հրազէնային յարձակումներով, բռնաբարութեան վարկածով, քաղաքացիի առեւանգման մէջ մեղադրուող, հասարակութեան միտուած վնաս պատճառած յանցագործներու ու պատիժը կրող կալանաւորներու վրայ»,- գրած է ան:

Իրանագէտ Վարդան Ոսկանեանը հանգամանք մը առանձնացուցած է՝ առաջարկով միանալով այս նախաձեռնութեան.

«Շարունակելով Հայաստանի վարչապետի՝ Իրան կատարելիք այցէն առաջ, ըստ իս, նաեւ նշանաբանական կարեւորութիւն ունեցող եւ դրական խորապատկեր ապահովող քայլերու մասին գրառումներս, այս անգամ կ'ուզէի անդրադառնալ եւս մէկ ուշագրաւ հանգամանքի։

Դժուար է թերագնահատել ընկերային ցանցերու տարածման հետեւանքով արդի աշխարհին մէջ լայնօրէն կիրառուող, այսպէս կոչուած, «թուիթըրեան դիւանագիտութեան» (որուն համար նոյնիսկ ստեղծուած է յատուկ եզրոյթ՝ «Twiplomasy») նշանակութիւնը։ Միւս կողմէն, Իրանը մօտէն ճանչցող իւրաքանչիւր մասնագէտ գիտէ, որ իրանցիները, ըստ էութեան, բանաստեղծութեան ժողովուրդ են եւ չեն կրնար այդպիսին չըլլալ՝ նկատի ունենալով այն ահռելի գրական ժառանգութիւնը, որ Իրանը եւ պարսից լեզուն ճանաչելի դարձուցած է քաղաքակիրթ աշխարհով մէկ։

Այս առումով, կը կարծեմ՝ այցի նախաշեմին խիստ բարենապաստ ազդեցութիւն կրնայ ձգել ընկերային ցանցերու մէջ Հայաստանի վարչապետի որեւէ համառօտ գրառում Իրան մեկնելու մասին, որուն մէջ կարելի է բառացիօրէն նշել՝ «ինչպէս իրանցի մեծ բանաստեղծ Նիզամին Գանճաւին կ'ըսէ՝» եւ պարսկերէնով մէջբերել Իրանին նուիրուած անոյ յայտնի բանաստեղծական տողը՝ «Ողջ աշխարհը մարմին է, իսկ Իրանը՝ սիրտ», ինչը ոչ միայն հզօրագոյն դրական ուղերձ կ'ըլլայ մեր բարեկամ իրանցիներուն, այլեւ քարոզչական լուրջ հարուած՝ Նիզամին «ատրպէյճանականացուցած» Պաքուի բռնապետի վարչակարգին»:


Նիւթը ՝ Shantnews-էն

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture