image

Քրիստոսը ներկայացուած է, որպէս Մաք Տանըլտզի հերոս.Հայֆայի մէջ բողոքի ալիք

Քրիստոսը ներկայացուած է, որպէս Մաք Տանըլտզի հերոս.Հայֆայի մէջ բողոքի ալիք

  Հայֆա   քաղաքի     մեծ  թիւով  քրիստոնեաներ  բողոքի հաւաք  կատարած են   քաղաքին մէջ ցուցադրութեան դրուած  արձանակի  մը  դէմ։

Այս  մասին  լուրը կը հաղորդէ  «Ալ Ժատիտ»  կայանը  նշելով, որ    Ֆինլանտացի        արուեստագէտ  Ճանի Լիոնէնի պատրաստած    եւ  Յիսուս Քրիստոսը ներկայացնող    արձանիկը  բողոքի մեծ   ալիք մը  բարձրացուցած է   մանաւանդ քրիստոնէական   շրջանակներուն մօտ։

 

Կը նշուի նաեւ, որ  արձանիկը  պատրաստուած է        ամերիկեան      Մաք Տանըլտզի  անունով    յայտնի         վաճառանիշի  ՝ Ռոնալտ Մաքտանըլտզի  կերպարով (Լուսանկարը)։ Կը հաղորդուի նաեւ, որ  Հայֆայի մէջ       տեղի  ունեցած են բախումներ մէկ  կողմէ     արձանիկը    ցուցադրութեան  դրած         արդի արուեստի  թանգարանին  առջեւ հաւաքուած ցուցարաներուն եւ  արցունքաբեր կազ  օգատգործող  եւ ցուցարարները   հեռացնել   փորձող  ոստիկանութեան միջեւ։

 

 Արաբ  քրիստոնեաներու  անունով  յայտարարութեամբ  հանդէս  եկած  Ուատիհ  Ապու Նասսար   իր կարգին  դատապարտած է  եղածը եւ   թանգարանի  պատասխանատուներէն պահանջած  արագօրէն    հանել  արձանիկը։

 Ապու Նասսար ըսած է, որ  եթէ նման դէպք մը  այլ  կրօնքի   պարագային պատահէր, ապա  աշխարհը   շուռ    պիտի գար։

 

 Աւելի ուշ    պարզուած է, որ    արձանը կերտող ֆին  արուեստագէտ    Ճանի Լիոնէն  եւս     իր զօրակցութիւնը յայտնած է քրիստոնեաներուն,   թանգարանի    վարիչներէն պահանջելով   հեռացնել իր   կերտած   արձանիկը։