Ազգային բարերար Կիրակոս Գույումճեանի հիմնադրած՝ «Ներսէս Շնորհալի» մրցանակի շնորհում Քուէյթի մէջ... Երեւանի փապերէն մէկուն մէջ միջադէպ. Կան վիրաւորներ (Տեսանիւթ)... Քուէյթի մէջ ջերմաստիճանը հասած է 51-ի. Կան մահացողներ... Դասական Սփիւռքէն եկած կարգ մը կեցուածքներ.Տիգրան Գաբոյեան...
Հայկական Նոր գիւղը սկսած է շնչել. Պարգեւ Ապաճեանի եւ անոր մօր տնօրինած ճաշարանին պատմութիւնը
Հայկական Նոր գիւղը սկսած է շնչել. Պարգեւ Ապաճեանի եւ անոր մօր տնօրինած ճաշարանին պատմութիւնը
09 Դեկտեմբեր 2018 , 00:18

«Արեւելք»ի  հարցերուն  կը  պատասխանէ հալէպահայ երիտասարդ տնտեսագէտ ՝ Պարգեւ Ապաճեան։

 

Հալէպահայ Պարգեւ Ապաճեան   իր մօր  հետ, վերջերս վերաբացած է պատերազմէն առաջ իրենց ստեղծած «Գառնի» ճաշարանը: Այդ փոքր խանութ-ճաշարանը, որ ընտանիքի միակ ապրուստի միջոցը պիտի ըլլար, բացումէն 7 ամիս անց, պատերազմի վրայ հասնելու պատճառով փակուած էր: Ճաշարանը վերաբանալու յոյսով ընտանիքը   սպասած էր երկար  ժամանակ։

 

Այսօր 6 տարի ետք, Պարգեւն ու մայրը մեծ յոյսերով դարձեալ վերաբացած են «Գառնի»  ճաշարանը։

 

-Մեզի կը պատմէք ձեր Ճաշարանին մասին:

Նենք «Գառնի» ճաշարանը հիմնած էինք վեց տարի առաջ՝ 2012-ին, ե՛ւ որպէս ընտանիքի ապրուստի ճամբայ ե՛ւ որպէս մօրս երազի իրականացում: Բացումի օրերուն եւ իր աշխատանքի եօթ ամիսներուն ընթացքին ճաշարանը շատ մեծ ընդունելութիւն գտաւ  եւ մեր աշխատանքը  մեծ  քաջալերանքի արժանացաւ  մասնաւորապէս  հայկական ակումբներու եւ  եկեղեցիներուն կողմէ։

Պատերազմի պատճառով ստիպուած եղանք   ճաշարանը  փակել եւ այսօր, եօթ տարիներ ետք, դարձեալ առիթը ունեցանք կրկին շարունակելու այդ գործը որ սկսած էինք:

Հիմնականին մէջ  հայկական ճաշատեսակներ կը պատրաստենք, խմորեղէն, անուշեղէն եւն.  եւ միշտ կը կը փորձենք մեր լաւագոյնը տալ:

 

-Ինպէ՞ս եղաւ, որ որոշեցիք վերաբանալ «Գառնի» ճաշարանը:

Անցեալ տարի քոյրս՝ ատամնաբուժուհի Դալար Ապաճեանը ինքնաշարժի արկածի զոհ գնաց եւ այդ մէկը պատճառ դարձաւ, որ ես դարձեալ քաջալերուիմ մեր «Գառնի» ճաշարանը բանալու, որովհետեւ մօրս վիճակը շատ վատ էր, մեր տան մէջ միայն լաց կը տիրէր: Որոշեցի, որ մայրս պէտք է  դարձեալ գործի դաշտ իջնէ, որպէսզի քիչ մը ինքզինք մոռնայ եւ գործով զբաղուելով այդ վիճակէն դուրս գայ:

 

Մայրս թէեւ 60-ի կը մօտենայ, սակայն մինչեւ այսօր երիտասարդ աղջկայ մը նման իր ուժը, իր եռանդը կը դնէ, ամէն ջանք կը թափէ, յաղթահարելու համար դժուարութիւնները, չի մտածեր, որ այլեւս ինք պէտք է հանգիստ ընէ եւ կ՚ուզէ   մեծ  սիրով աշխատիլ։ Աշխատանքը    կ՚իմաստաւորէ  իր  կենաքը։  

 

-Դժուա՞ր էր վերաբացման աշխատնքները:

Դժուրութիւններ բնականաբար կան, բայց կը փորձենք յաղթահարել: Նախ Աստուծոյ փառք կու տանք, որ հակառակ հրթիռներէն վնասուած ըլլալուն,   խանութի մէջի առարկաները չէին գողցուած: Բոլոր անհրաժեշտ գոծիքները՝ սառնարան եւայլն կային, ճիշդ է չէին աշխատէր, բայց բոլորը նորոգեցինք, որպէսզի մեր գործը շարունակենք, բան մը, որ  ծախսատար  էր  մեզի համար։

 

Այժմ խոհանոցին մէջ ամէն տեսակի սարքաւորումներ կան եւ մեզի ամէնէն շատ պէտք եղածը քաջալերանքն է:

 

Վաճառքի համար, որպէս շուկայ, միայն թաղամասի ժողովուրդին չենք կրնար վստահիլ, եթէ մեր եկեղեցիներէն, ակումբներէն, միութիւններէն քաջալերանք չըլլայ, դժուար պիտի ըլլայ, որովհետեւ պէտք է յարատեւ եւ մեծաքանակ ապսպրանքներ ըլլան, որպէսզի կարենանք այս գործը շարունակել եւ այդ ժամանակ է, որ թափ կը ստանանք եւ մեծ կորովով ու եռանդով կը վերսկսինք աշխատիլ:

Անշուշտ ընթացքին կը փորձենք ցուցահանդէսներու մասնակցիլ  եւ ֆէյսպուքեան մեր էջի միջոցաւ ծանուցումներ  տալ  եւ հանրութեան ծանօթացնել մեր համեղ ճաշատեսակները:

 

 

-Հիմա վերաբացումէն ետք, ի՞նչ ակնկալիքներ ունիք:

 Մենք յոյսով ենք, որ գործը լաւ կ'ընթանայ, մանաւանդ երբ կը տեսնենք, թէ ինչպէս Նոր Գիւղի մէջ ամէն օր նոր խանութ մը, դարձեալ իր դռները կը բանայ, վերանորոգման աշխատանք կը սկսի եւ այսպէս ամէն վերաբացուող խանութի հետ մեր յոյսը կը մեծնայ:

 

Նոր գիւղի խանութպանները այս շրջանին ստիպուած եղած էին աւելի ապահով վայրերու մէջ խանութներ վարձել, բայց այսօր ժողովուրդը արդէն յոգնած է վարձք վճարելէն եւ հիմա Նոր գիւղի վիճակը շատ աւելի լաւ է, հետեւաբար բոլորը կը վերադառնան իրենց խանութները: Ասի մեզի համար քաջալերանք մըն է եւ ուրախութուն մը, որ մեր հայկական շրջանը դարձեալ կեանքով կը լեցուի: ԱնցեաԼ ամիս ՀՀ սփիւռքը նախարար Մխիթար Հայրապետեանը Հալէպ կատարած իր այցի ժամանակ Նոր Գիւղ ալ եկաւ, այցելեց մեր գործատեղին, գնահատեց մօրս աշխատանքը, այս մէկը մեզի համար մեծ պատիւ էր:

 

-Դուք ուրիշ գործով ալ կը զբաղի՞ք:

Նախքան պատերազմը Իքարտայի մէջ կ'աշխատէի, բայց երբ պատերազմը վրայ հասաւ, որպէս ամերիկեան հաստատութիւն, առաջին փակուող կեդրոններէն մէկը Իքարտան   եղաւ, հետեւաբար ես անգործ մնացի։

Ներկայիս կ'աշխատիմ ընկերային ծառայութեան ծիրէ ն ներս, կեդրոնի մը մէջ, որ կը պատկանի  Հալէպի արաբական  աւետարանական եկեղեցիին, ուր պաշար կը բաժնենք Հալէպի ժողովուրդին եւ տարբեր տեսակի օգնութիւններ կ'ընենք, ես մօտաւորապէս երեք տարիէի  ի վեր  այնտեղ կ'աշխատիմ։

 

 

 

 

 

 

 

 

 


Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture