image

FLY Միութեան նոր նախաձեռնութիւնը ՝ Eat and Feed

FLY Միութեան  նոր  նախաձեռնութիւնը ՝ Eat   and  Feed

Միացեալ  Նահանգներու մէջ  հիմնադրուած  եւ բարեսիրական   նախաձեռնութիւններ  իրականացնող  FLY միութիւնը  օրերս նոր նախաձեռնութեամբ մը հանդէս եկած է։

Այս  մասին «Արեւելք»  տեղեկութիւն ստացաւ  միութեան  դիմատետրի  էջէն, ուր   կը նշուէր, թէ   միութիւնը այս  շաբաթավերջին   իրագործած  է   նոր նախաձեռնութիւն մը։

Դիմատետրի  էջին միջոցաւ կ՚ըսուի  նաեւ,  որ Eat  and  feed  նախաձեռնութեան հիմամբ  միութիւնը  վաճառած է  խորովածի    ակրատներ (սէնտուիչ) եւ  վաճառքէն գոյացած  հասոյթը  պիտի տրամադրուի  Հայաստանի  եւ Սուրիոյ չքաւոր երեխաներուն։

Յիշեցնենք, որ   միութիւնը  հիմնուած է     ամերիկահայ  բարերար  տիկին Գարոլին  Գուզույեան -Սամուէլեանի եւ անոր համախոհ  խումբ մը հայերու մասնակցութեամբ, նպատակ  ունենալով  օժանդակութիւններ  հասցնել ՝ Կիւմրիի,  Վանաձորի, ինչպէս նաեւ Սուրիոյ  պատերազմին   պատճառով    ծանր  պայմաններու մատնուած    մեծ թիւով հայ երեխաներու։ Գարոլին Սամուէլեան     տարբեր առիթներով  այցելութիւն տուած է   Հայաստան եւ   անձամբ     կարօտեալ   ընտանիքներու հասցուցած է իրենց բաժին  ինկած   օգնութիւնը։

Նախաձեռնութեան   օժանդակած են խումբ  մը   կամաւոր  ամերիկահայ  երիտասարդներ։

 


Freedom Loving Youth - FLY-ի լուսանկարը:

 

 

 

Freedom Loving Youth - FLY-ի լուսանկարը:

 

 

 

Freedom Loving Youth - FLY-ի լուսանկարը: