Շահէ Մինասեան ընտրուած է Հալէպի նահանգային խորհուրդի անդամ։
Այս մասին «Արեւելք» տեղեկութիւն ստացաւ Հալէպէն։
Նախնական տուեալներով Պաաս կուսակցութեան ցուցակներէն ընտրութեան մասնակցած Շահէ Մինասեան ցարդ միակ հայ թեկնածուն է, որ յաջողած է այս ընտրութիւններուն։
Նշենք, որ Շահէ Մինասեան ատենապետն «Նոր Սերունդ» մշակութային միութեան։ Ան վարած է պատասխանատու բազմաթիւ պաշտօններ եւ աշխուժ մասնակցութիւն բերած «Սուրիոյ վերականգնումի եւ շտապ օգնութեան» Հալէպի մարմնի աշխատանքներուն։
Ինչպէս աւելի վաղ հաղորդած էին, Հալէպի ՏԻՄ ընտրութիւններուն իրենց մասնակցութիւնը բերած են 6 հայ թեկնածուներ, որոնց երկուքը կը վայելէին Բերիոյ Թեմի աջակցութիւնն ու նեցուկը։
Հալէպի ՏԻՄ ընտրութիւններու վերջնական արդիւնքներուն պիտի անդրադառնանք աւելի ուշ։