image

Կիրակի օր ընտրութիւններ. 6 հալէպահայեր թեկնածու են ընտրութիւններուն

Կիրակի  օր ընտրութիւններ. 6 հալէպահայեր  թեկնածու   են ընտրութիւններուն

Հալէպ քաղաքը  կը պատրաստուի  ՏԻՄ  ընտրութիւններուն, որոնք  պիտի կայացուին յառաջիկայ  կիրակի  օր։

Կայացուելիք   տեղական ինքնակառավարման    մարմիններու    ընտրութիւններով  Հալէպ նահանգի      բնակչութիւնը   պիտի ընտրէ  զոյգ  մարմիններ ՝ նահանգային եւ քաղաքային։

Այդ  մարմիններուն      պիտի անդամակցին     150     անդամներ   (100-ը  նահանգային եւ  50-ը  քաղաքային   խորհուրդին  համար)։

Այս ընտրութիւններուն իրենց   թեկնածուութիւնը դրած  են          հալէպահայ  վեց անձնաւորութիւններ։Մինչ  անոնցմէ  երկուքը    ընտրութիւններուն  պիտի ներկայանան    Բերիոյ  թեմի  Առաջնորդարանի      նեցուկով,  անդին      չորս  թեկնածուներ  իրենց  թեկնածուութիւնը   դրած  են       տեղական  կուսակցութեանց  կամ  անկախ    անուանակարգի  տակ։

Ստորեւ   «Արեւելք»ի  ընթերցողներուն կը ներկայացնենք Հալէպի     նահանգային  եւ քաղաքային  խորհուրդներու իրենց   թեկնածուութիւը  դրած      հայ թեկնածուներու  անունները։

 Վրէժ Իշխանեան (անկախ), Մարիա Գաբրիէլեան  եւ Նորա Գրաճեան (Ազգային առաջնորդարան)  Շահէ Մինասեան (Պաաս  կուսակցութիւն) Յակոբ Տլտըլեան (Ղովմի կուսակցութիւն)    Կարօ Շուշանեան (անկախ)։

Յառաջիկայ օրերուն աւելի մանրամասն կերպով   պիտի  անդրադառնանք    կիրակի  օր տեղի  ունենալիք   ընտրութիւններուն  ներկայացնելով հարցազրոյցներ    հայ  թեկնածուներուն, ինչպէս նաեւ  տեղեկութիւններ  ընտրական ընդհանուր  գործընթացին մասին։