12.09c
Երեվան
ուրբ, ապր 19
Թուրքիոյ Ժողովուրդներու դեմոկրատական կուսակցութիւնը զգուշացուցած է սիպիրախտի եւ այլ հիւանդութիւններու տարածման վտանգէն, եթէ կառավարութիւնը արգելքներ չսահմանէ վարակուած մսամթերքի ներմուծման նկատմամբ:
«Sky news» լրատուական կայքին փոխանցմամբ, խորհրդարանի մէջ կուսակցութեան ներկայացուցիչ երեսփոխան Ալի Ճիկէրի պնդմամբ, Թուրքիոյ մէջ գրանցուած սիպիրախտի դէպքերու պատճառը վարակուած մսամթերքի ներմուծումն է, որուն նկատմամբ անհրաժեշտ է խիստ հսկողութիւն սահմանել:
Պատգամաւորը կոչ ուղարկած է սիպիրախտի վարակ փոխանցող կենդանիները վերադարձնել իրենց արտահանման երկիր:
Աղբիւրին համաձայն, Թուրքիոյ մէջ առաջին անգամ սիպիրախտի ախտանշաններ նկատուած են Անգարայի ագարակներէն մէկուն մէջ, ուր Պրազիլէն ներմուծուած 4000 կենդանիի մօտ յայտնաբերուած է հիւանդութիւնը:
