image

Հալէպահայ Նարինէն անձնասպան չէ եղած այլ ... սպաննուած.Նախնական վարկած

Հալէպահայ    Նարինէն  անձնասպան  չէ  եղած   այլ ... սպաննուած.Նախնական  վարկած

Հալէպահայ   Նարինէ  Վարդանեանը, որուն     ողբերգական    մահուան   մասին լուր  փոխանցած էինք  17    յուլիսին,  անձնասպան չէ  եղած։

 Այս  մասին «Արեւելք»    տեղեկութիւն ստացաւ  հանգուցեալին՝  ԱՄՆ    գտնուող    մերձաւորներէն։  Մեր  աղբիւրը   նաեւ  յայտնեց,   որ երիտասարդ հայուհին զոհ  գացած է անարգ  ոճիրի մը, որուն հանգամանքները  ցարդ  չեն պարզուած   եւ այս   առումով  վերջնական  տուեալներ       տակաւին      չեն  բացայայտուած։

Ի դէպ  Հալէպի  մասին լուրեր  տարածող    դիմատետրի     կարգ մը  էջեր  շրջանառութեան մէջ  դրած  են     տեսերիզ մը, ուր     անծանօթ  անձ մը    շէնքի մը տանիքէն  վար կը նետէ      աղջիկ մը։ Այդ  էջերը   նաեւ  յայտնած են, որ   գոյութիւն ունի վարկած,  որուն համաձայն         վար ինկողը     հայուհի  Նարինէ Վարդանեանն է։

Հալէպի պետական  մարմիններ  մօտէն կը հետեւին  այս   ծանր  դէպքին  եւ այս մասին   լրացուցիչ   տեղեկութիւններ պիտի տրուին  աւելի ուշ։