«Ալ Մայատին» լրատուական կայքը յայտնած է, որ սուրիական աղբիւրները հերքած են այն լուրերը, թէ Տարհայի Թալ Ալ Աշաարիի մօտ սուրիական բանակը հակայարձակման ենթարկուած է, նշելով, որ Սուրիոյ օդուժը հրթիռակոծած է զինեալներու գտնուած այն վայրերը, ուրկէ հրթիռներ արձակուած են:
Սուրիոյ ռազմական աղբիւրները յայտնած են նաեւ, որ բանակը շարունակած է իր յառաջխաղացումը Տարհայի արեւելեան արուարձանին մէջ, որուն արդիւնքով Պուսրա Ալ Շամի մէջ գտնուող զինեալները համաձայնած են հաշտութեան գալ եւ յանձնել իրենց զէնքերը, ճանապարհ հարթելով բանակի զինուորներու մուտքին: