Ազգային բարերար Կիրակոս Գույումճեանի հիմնադրած «Ներսէս Շնորհալի» մրցանակը Նաթալի Նաճարեանին... Երեւանի կենդանաբանական այգիի աշխատակիցները բողոքի հաւաք կը կատարեն... Խաշըքճիի հարց. Ամերիկա գոհ է Սէուտական Արաբիոյ կարգադրութիւններէն... Ներկայացուցիչներու Պալատի դեմոկրատական նորընտիր մեծամասնութիւնը պիտի խափանէ Թրամփի նախագահական լիազօրութիւնները...
Հնչակեան Քսաններու նահատակութեան ոգեկոչում Պէյրութի մէջ
Հնչակեան Քսաններու նահատակութեան ոգեկոչում Պէյրութի մէջ
19 Յունիս 2018 , 14:13

Նահատակութեան 103-ամեակ` յանուն հայ ժողովուրդին, 103 տարուան պայքար` յանուն արդարութեան եւ հայրենի հողի: Սոցիալ Դեմոկրատ Հնչակեան Կուսակցութիւնը եւ համայն լիբանանահայութիւնը Շաբաթ, 16 Յունիսի երեկոյեան, ոգեկոչեցին Հնչակեան 20 անմահներու նահատակութեան 103-ամեակը, Նոր Հաճնոյ նախկին Սահակեանի շրջափակին մէջ կազմակերպուած հանդիսութեամբ մը: Ձեռնարկին ներկայ գտնուեցան Պէյրութի մէջ Հայաստանի հիւպատոս Աշոտ Վարդանեանը, Հայկազեան համալսարանի նախագահ Վեր. Դոկտ. Փօլ Հայտոսթեանը, Լիբանանի Հայոց թեմի առաջնորդի ներկայացուցիչ Տէր Ղեւոնդ քհնյ. Լոշխաճեանը, ՍԴՀԿ Կեդրոնական Վարչութեան անդամ Ալեքսան Քէօշկէրեանը, ՍԴՀԿ Լիբանանի շրջանի Վարիչ Մարմինի ատենապետ Սեպուհ Գալփաքեանը, ՀՅԴ Լիբանանի Կեդրոնական Կոմիտէի ներկայացուցիչ Յակոբ Բագրատունին, ՌԱԿ Լիբանանի Շրջանային Վարչութեան ատենապետի ներկայացուցիչ Վիգէն Թոսունեանը, Պէյրութի քաղաքապետութեան անդամ, ՀԿԲՄ-ի ատենապետ Արամ Մալեանը, ՀՄՄ Կեդրոնական Վարչութեան ատենապետ Միսաք Նաճարեանը, մշակութային, մարզական եւ ընկերային քոյր միութիւններու ատենապետներն ու անդամները, ինչպէս նաեւ հնչակեաններու եւ լիբանանահայերու հոծ բազմութիւն մը:

Ձեռնարկի պաշտօնական հիւրերն ու ներկաները կը հիւրընկալէին ՀՄՄի սկաուտները եւ փողերախումբի անդամները: Անոնք նաեւ հանդիսութեան սկիզբը նուագեցին Լիբանանի, Հայաստանի եւ Հնչակեան կուսակցութեան քայլերգները, ինչպէս նաեւ սգոյ երաժշտութիւնը:

Բացման խօսքով հանդէս եկաւ Տիգրան Միհրանեան. ան նշեց, որ Հնչակեան Քսաններու յիշատակը ոգեկոչել կը նշանակէ Փարամազի եւ իր 19 ընկերներու խիզախ դիրքորոշումները ամրապնդել, հաւատարիմ մնալ Քսաններու ազգային գաղափարախօսութեան եւ ուխտել շարունակել երթը` անկախ եւ ընկերվարական Հայաստանի հաստատման ուղղութեամբ: ՙՓարամազի եւ անոր 19 ընկերներուն յեղափոխական սկըզբունքները եւ ուղեգիծը կը մնան այժմէական, որովհետեւ այսօր եւս կառչած կը մնանք հայ ազգը զօրացնող եւ ազգային արժանապատուութիւնը բարձր պահող բոլոր առաքինութեանց: Սիրենք եւ պաշտենք մեր հայրենիքը ո՛չ թէ խօսքով, այլ՝ գործով: Թող Քսանները մեզմէ իւրաքանչիւրին համար ըլլան յուշարարներ` զոհուելու, նուիրուելու եւ յանձնառու մնալու ընկերվարական գաղափարախօսութեան, կերտելու համար բոլորիս երազած Հայաստանը՚, ըսաւ Միհրանեան:

Ազգային յեղափոխական երգերով հանդէս եկաւ լիբանանահայ երգիչ Յովիկ Թաֆրանեան, ընկերակցութեամբ Սեդօ Պաղտասարեանի: ՙԿիլիկիա՚ գեղեցիկ պարը ներկայացուցին Նոր Սերունդ Մշակութային Միութեան ՙԱրեգ՚ պարախումբի պարմանուհիները:

Օրուան պատգամը փոխանցեց ՍԴՀԿ Հայաստանի Քաղաքական Դիւանի անդամ Ռատիկ Կարապետեան: Ան խօսեցաւ Փարամազի մասին եւ յատկանշական համարեց անոր անցած ազգային-կուսակցական ուղին: Ան դիտել տուաւ, որ Քսաններու նահատակութիւնը կորուստ էր համայն հայութեան, ոչ միայն Հնչակեան կուսակցութեան համար: Ան յիշեցուց, որ Օսմանեան կայսրութեան մէջ 20-րդ դարու սկիզբը տեղի ունեցած յեղաշրջումէն ետք շատ մը հայ անհատներ եւ կառոյցներ մեծ յոյսեր կապած էին իշխանութեան հասած ուժին` Իթթիհատին, թէեւ Հնչակեան կուսակցութիւնը բազմիցս զգուշացուցած էր Իթթիհատին հաւատալու եւ անոր հետ համագործակցելու վտանգներուն մասին: ՙԸլլալով սեփական անձի նկատմամբ խստապահանջ իտէալիստ, Փարամազ իր ուսերուն կրած էր պայքարի ծանր բեռը: ՍԴՀԿ մարդիկները չէին կրնար անտեսել սեփական ժողովուրդին եւ ազգային շահերը վեր դասել մարդկային շահերէն: Իթթիհատականներուª հնչակեանութիւնը կլանելու փորձերը ձախողեցան: Մերժուեցան իշխանութեան հետ համագործակցելու առաջարկները: Հնչակեաններու ջանքերով հայ բնակիչները կը պատրաստուէին դիմագրաւել գալիք արհաւիրքը, որովհետեւ կար ինքնապաշտպանութեան անհրաժեշտութիւն՚, ըսաւ Ընկ. Կարապետեան: Ան յիշեցուց, որ Փարամազ պահանջած էր հայերու անկախութիւնը, որուն ճշմարտացիութիւնը հաստատուեցաւ պատմութեան կողմէ: ՙԱյսօր մեր քոյրերն ու եղբայրները Թուրքիոյ մէջ կþապրին վախով, որովհետեւ այնտեղ միայն հայ ըլլալը արդէն իսկ չգրուած յանցանք է՚, ըսաւ Ընկ. Կարապետեան: Ան յիշեցուց, որ Փարամազի եւ ընկերներու գաղափարախօսութիւնն էր ազատ, անկախ եւ միացեալ Հայաստանի հաստատումը: ՙՄեր մարտիկները իրենց աչքին առջեւ ունէին Քսաններուն զոհողութիւնը: Թէեւ թուրքերուն յաջողուեցաւ սպանութիւններու միջոցաւ պայքարէն դուրս մղել արդարութեան եւ ազատութեան ջահակիրները, բայց արդարութեան կայծը քսան հազարներու սրտերուն մէջ բոցավառած էր՚, հաստատեց ընկերը: Ան նշեց, որ Հնչակեան կուսակցութիւնը ոչ մէկ ջանք խնայած է զօրակցելու հայրենիքի պետականութեան, ինչ որ ալ ըլլայ այնտեղ իշխող վարչակարգը: Ընկ. Կարապետեան դիտել տուաւ, որ բազմաթիւ ուժեր փորձեցին Հնչակեան կուսակցութեան անունը ջնջել պատմութեան էջերէն: ՙՄեր առաքելութիւնը չէ աւարտած: Հայաստանի փոքր անկախ մասնիկը կանգնած է փոփոխութիւններու սեմին: Հնչակեան կուսակցութիւնը ողջունելով տեղի ունեցող դրական որեւէ փոփոխութիւն, պարտականութիւն ունի դրական փոփոխութիւններու նախաձեռնողը, շարժառիթը եւ մասնիկը դառնալ, առանցքային դեր ստանձնել իր գաղափարներուն համապատասխան: Պատրաստակամութիւն ունենալով համագործակցիլ բոլոր կառուցողական ուժերու հետ, հնչակեանութիւնը պիտի չըլլայ որեւէ ուժի լծորդ կամ կամակատար, այլ ունի եւ պիտի ունենայ սեփական անկախ քաղաքականութիւնը, ըստ այնմ պիտի առնէ նպատակային կարճաժամկէտ եւ երկարաժամկէտ համագործակցութեան քայլեր, առանց խախտելու սեփական սկզբունքները եւ գաղափարախօսութիւնը՚, ըսաւ Ռատիկ Կարապետեան:

Հանդիսութեան աւարտին ազգային-յեղափոխական երգերով բեմ բարձրացաւ լիբանանահայ երգիչ Պերճ Նագգաշեան, որմէ ետք ՙՈւխտի Հրաւէր՚ը կատարեցին օրուան երկու երգիչները: Հանդիսութեան պաշտօնական բաժինէն ետք, Յովիկ Թաֆրանեան եւ Պերճ Նագգաշեան շարունակեցին ազգային-յեղափոխական երգերու փառատօնը:

 

 

 

 

 

 


Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture