Իսրայէլի մէջ անվտանգութեան լուրջ խորհրդակցութիւններ տեղի կ'ունենան, ԱՄՆ-ի կողմէ Սուրիան հարուածելու պարագային, իրանեան կամ սուրիական հաւանական հակայարձակման պատրաստ գտնուելու համար:
Իսրայէկեան «Ետիհոթ Ահրոնոթ» թերթին համաձայն, Բենիամին Նաթանիահուի գլխաւորած անվտանգութեան նախարարական խորհուրդն ու իսրայէլցի ռամագէտներ համոզուած են, թէ Սուրիա Իսրայէլի հետ անմիջական պատերազմ մղելէ զերծ պիտի մնայ:
Սակայն միաժամանակ յայտարարած են, որ Իսրայէլ լուրջ կ'ընդունի Սուրիոյ մէջ իրանեան ռազմակայանին դէմ յարձակման պատախանը տալու Իրանի սպառնալիքները:
Թերթը նշած է նաեւ, որ նախքան նախարարական խորհուրդի նիստը, հանդիպում տեղի ունեցած է Նաթանիահուի, Պաշտպանութեան նախարարին, Զինուած ուժերու գլխաւոր հրամանատարին եւ ռազմական հետախուզութեան վարչութեան պետին միջեւ: